عالم البنات النسائي كل ما يخص المرأة العربية من ازياء وجمال والحياة الزوجية والمطبخ
في الحقيقة تابعت زي غيري الدوشة اللي حصلت مؤخرا بعد إعلان مجلس الدولة رفضه لتولي نساء مناصب قضائية فيه …
الدنيا قامت ولا قعدتشي لدرجة أجبرت مجلس القضاء على التراجع بشكل شيك عن قراره وأعلن أستعداده ….و خدو بالكم من كلمه استعداده لقبول من تنطبق عليهم الشروط من خريجات كليات الحقوق في مناصب بمجلس الدولة ….
و قبلها كانت هوجة كوته المرأه في مجلس الشعب و التي قاومتها التيارات المختلفة مقاومة شديدة و طبقتها الحكومة كالعاده غصب عن الكل ….
سؤالي و أرجو أن يكون بعيدا تمااااااااااااااما أرجووووكم يا جماعة عن التحيز يعني خلينا نتكلم بحيادية ..و بالنظر للظروف في مصرررر مش براها
يعني …مع إحترامي الكامل للآخرين ظروف النساء في مصر مختلفة عن دول المغرب العربي ومختلفة عن الخليج وكل بلد وليها ظروفها الخاااصة طبعا …
نقطة كمان يا ريت اللي حتقول رأيها من منطلق ديني تذكر لنا أدلتها على رأيها ,, يعني مينفعشي أقول الدين بيقول حرام و خلاص … لازم يكون كلام مقنع للآخرين قبل أي شئ…
أنت مع أم ضد أن تكون المرأه قاضية ؟؟
مع أم ضد وجود 64 أمراه بمجلس الشعب بالكوته ( يعني مفيش رجاله تترشح قدامهم )؟؟
مع أم ضد المرأه الوزيرة ؟؟ السفيرة ؟؟ و غير ذلك من المناصب الهامة في مصر؟؟
يهمني أعرف رأي الستات اللي بيتكلموا بإسمهم … وبالذات المرأه العاملة المصرية …انتو فعلا عايزين كده ؟؟؟؟ و لو مش عايزين … مين الستات اللي بتتظاهر في الشوارع دول ؟؟؟
