معزة سوداء

السلام عليكم ورحمة الله وبركاته

الحلم:

سمعت عن خبر وفاة طفلة صغيرة جميلة فزعلت اوي علشانها ففكرت اروح لصديقتى المقربة علشان اعقد معاها وركبت حاجة شبه التوك توك (وسيلة مواصلات في مصر) وكان معاايا اخويا المهم قلت للسواق على بلد صديقتى في المنصورة جنبى وسرحت والتوك توك فضل ماشي لحد ما وصل القاهرة ونزلنا قدام بيت البنت الصغيرة اللى اتوفت فاخويا نزل وبيشاورلي بيقولى تعالي شوفي ده الدم بتاعها

وفجاة قفزت عليا معزة سوداء رفيعة ومسكت فيا بطريقة خوفتنى في الحلم مسكت فيا بايدها ورجلها على ايدى فانا خفت وحاولت ابعدها عنى بس ما عرفتش وصاحبة المعزة ضحكت وقالتلى دى حبتك ومش هاتسيبك
وحاولت ابعدها لحد ما بعدها وجريت بعيد فضلت تجرى ورايا قمت مسكتها من رجلها ولفتها ورمتها على الارض فحسيت انها ماتت وخفت من شكلها شوية ولاقتها قامت تانى تجري ورايا

فجريت وهربت لحد ما وصلت لبيت واحد زميلى كان معايا فى الجامعة وقلتله فدخلنى القوضة وقفل عليا وحاول يبعد المعزة بس ما عرفش

وهربت تانى لحد ما روحت لصديقة ليا (هيه متدينة جدا ما شاء الله) وقلتلها فدخلتى مكتبها وهيه وزمايلها مسكو المعزة وفضلوا يقروا على المعزة قران والمعزة تحرك راسها يمين ويسار

في الاخر صدقتى اخدتنى وحاولت تهربنى مشينا في طريق عام على طول والمعزة ماشية ورانا وبعدين لفينا الشارع من النحية التانيه وهربنا والمعزة فضلت تلف الشارع في الاتجاهين بدور عليا

انتهى الحلم

24 سنة
بعد صلاة الفجر
التدين متوسط عادي احاول الالتزام
غير متزوجة
اعمل

قبل النوم كنت افكر في حادثة قديمة حدثت في مصر وفاة فتاه صغيرة في حمام السباحة بسبب الكهرباء لانى تاثرت بها