عالم البنات النسائي كل ما يخص المرأة العربية من ازياء وجمال والحياة الزوجية والمطبخ
فيه معتقدات (نص كم
)عند اجدادنا والمشكله انها انتقلت لنا بالساهل
خلونا نستعرضها ….من باب التسلية 😳 ….وجربوا ….يمكن يكون فيها
شي صحيح 👿 !!
لكن انتبهوا من بعضها لانها ( شركيه ) وبعضها فيها تشاؤوم رهيب ماراح نستعرضها مطلقا.
:::::::::::::
1–
الدخان يتبع المزيونة
لو جالسه جنب شبة نار والدخان راح جهتك معناه انك احلى الموجودات!!
>>>اتقول جدتي كنا نتحمل الدخان وكتمته بس عشان يقولون عنا مزيونات ➡
قلت لها والله الدخان يمشي مع اتجاه الريح وماله دخل بالزين
.
:::::::::::::::::
2-
اذا كثرت البنت الملح في الاكل…قالوا ( مشتهية الجيزة )ولو متزوجة قالوا
(تبي زوجها) !!
>>> لاتكثرون الملح احسن لكم يابنات عشان الاحراجات
.
:::::::::::::::::::::
3-
لو قلبتي عباتك سهوا >>> يالهوووي زوجك بيتزوج عليك 😡
لا تخافين انا اقول عادي اكيد ناوية اتصلين استسقاء ❗
:::::::::::::::
4-
لو بتقولي شي وسبقك احد له بثواني قبل ماتكلمين معناه عمره اطول من عمرك!!
>>>يارب اغفر لقومي فانهم لايعلمون
::::::::::::::
5-
لو جاتك حكة براحة يدك اليمنى بتسلمين على غالي هاليومين
>>>> طيب يمكن قارصتني نملة
!!
:::::::::
6-
لو انكب فنجان القهوة ياسلاااااااااام;) فال حلو وبتصير لك حاجة حلوة<<<لاتحاولي تكبيه عمدا 😆 hy:
>>>طبعا عندهم تشاؤم بامور اخرى بالقهوة لكن ماراح نذكرها والرسول عليه السلام يقول : (ويعجبني الفأل ).
::::::::::::::::
7-
لو كنتي حامل وجا ولد بحضنك معناه ان الي بطنك بنت والعكس برضه صحيح ولو نفر
منك معناه انك بطنك شبيهه يعني ولد ونفس الشي البنت تنفر منك لو ببطنك بنت
يعني المتشابه يتنافر والمختلف يتجاذب
>>>يفهمون بالفيزياء من زمان 😥
:::::::::::
8-
لو بطنك طالع لصدرك هذي بنت ياحليلها تبي قلبك الحنون وحضنك الدافي
ولو بطنك نازل تحت ومنفصل عن جسمك زي الكورة هذا ولد يبي الفلته والتحرر من
القيود!!
>>>يظل الولد ولد حتى في بطن امه
::::::::::::
9-
الحظ وماادراك مالحظ!!
الي اموره ميسره واشغاله تنجز بسهوله هذا محظوظ … ومحسود…ولازم مايعلم احد
والا مات حظه!!
واحيان يخلوه ينجز لهم امورهم ويقضي لهم اشغالها تباركا بحظه الرهيب!.
>>>>>>ولاتنسوا ان الحظ مذكور بالقران .
:::::::::::
10-
مغسل الاموات وحفار القبور …شخصين يخافون ولايقربون منهم…يعتقدون ان ملك الموت ( عليه السلام )مخاويهم!!
>>>الموت اقرب لابن ادم من نفسه…
لكن الناس مايبون الي يذكرهم فيه يبغون يعيشون حياتهم !!
وهالشخصين بالذات تفوح منهم رائحة الموت المرعب !!
انا سمعت ان السيّاف برضه يخافون منه ولو شافوه بطريق هربوا لطريق ثاني!!
>>>شاكّين بنفسهم !! هههههههه ياخوّافين 😆 hy:
::::::::::::
11-
لو ( شرقتي ) بالمويه او غصيتي ب ( بلقمه ) وانتي تكلمين معناه كل الكلام الي اتقوليه كذب في كذب
ولو صار لك هالشي وانتي تاكلين وجنبك احد معناه يناظرك في اكلك ومشتهي
>>>>اعطيه لقمة وفكينا 😡
::::::::::::::::::::
هذا مالدي 😈
اكيد فيه معتقدات اكثر …لو اتذكرتوا اكتبو معي …انتظركم 
