عالم البنات النسائي كل ما يخص المرأة العربية من ازياء وجمال والحياة الزوجية والمطبخ
معانتي مع زوجي بالرغم من الحب الكبييييييييييير اللي بيننا لكن …..
ما جدرت أتأقلم مع حياتي معه
تعبت أفهمه بكل الاساليب بس للأسف يسمع كلامي ويتأثربه و فالج طيب
وفالنهاية ينسااااه وترجع حياتنا مثل ما كانت .
زوجي مااااااااايحب الطلعات أو بالاحرى ينشغل واااااااااااخر اهتماماته انه يطلع معي مشوار فالبر أو للبحر ..وما يحب اني اطلع وايد أزور اقاربي لان طبيعة ابوه واهله كذا ما يطلعون .. تعبت احاول اغيره ..
وما يجلس يسولف معي .. الا يقوم الصبح يتريق ويطلع ع طول .. ويرجع وقت الغدا يتغدى واكون اريد انام تعبانه من الدوام ما اجدر اجلس معاه الظهر .. والعصر يصلي ويطلع يرجع الساعة عشرة نتعشى واضطر انام لان وراي دوام وهكذا حياتناااااااااااااا .. تعبت منه .. حتى ف شهر العسل ع هالحال من تزوجنا ..صارلنا سنتين ..حتى لما يطلعني مكان مايوديني اماكن ترفيه بس تسوق ومطاعم فقط .. مايحب يروح البحر مثلا الحدائق مثلا .. دائما مشغوووووول ويحب الشغل برا ما يحب البيت ..
كيف راح نربي اولادنا مع بعض .. أريده يتعود عالبيت عشان لما يكبروا اولادنا نربيهم مع بعض يتقرب منهم يتعودوا على وجوده كونه قدوه ..
معرف يافراشااااات انتو حاسين فيني …؟؟؟؟؟؟
اذا وحده عندها نفس مشكلتي وجدرت تتغلب عليها ياااااريت تفيدني بتجربتها …
والمتزوجات لاكثر من خمس سنوات اعطوني خبراااااتكم ياريت ..
بادعيلكم بالجنة والرضوان من الله والسعادة في الدنيا والاخرة ..
