::: مطلوووب مندوبات لبيع الملابس الصينيه في جميع مناطق المملكه::::

عزيزاتي الفراشات بدي مندوبات امينات يساعدوني في بيع الملابس الصينيه وليهم نسبه طبعا

بس في شروط احب اقولها قبل ما اتفق مع أي احد

1-أي استفسار من العميلات انتي تردي عليه ورقمي وايميلي طبعا ماتعطيه لاحد

2-تتكفلي بجمع الطلبيات كلها وفيوم محدد ترسليلي هيا اللي هوا يوم اغلاق الطلبات

3-تجميع المبالغ من العميلات اللي من طرفك راح يكون عليكي يعني يحولو كامل المبلغ عليكي وبعدين ترسليلي هوا طبعا بعد ماتسجلي مين دفع ومين مادفع وبعد وصول الطلبيات وتوزيعها على كل العميلات تستلمي نسبتك بحول الله.

4-ممنوووووع ترضي انو تقولك أي عمليه اطلبيلي وانا اجيبلك الفلوس بعد ماتوصلني الاغراض

5-طبعا مافي ترجيع ولاتبديل الا في حالة انو القطعه كانت مقطوعه وهادا شي ان شالله ماراح يحصل لاني اشيك على كل الاغراض قبل ماارسلها

6-مع كل طلبيه تسجلي اسم العميله مع رقم جوالها وبيانات الشحن ( المدينه – اسم المستلم – جواله – صندوق البريد ان وجد )

اعرف انو الشروط كتيره بس عشان كل واحد ياخد حقه وان شالله ماحد يظلم احد

في اخت مندوبه ليا اتاخرت في دفع نسبتها عشان مشاكل عندي في البنك لا اكتر ولا اقل وانا قلتلها انا باذن الله مااكل حق احد وربي شاهد.