عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا حلوات
بدخل في الموضوع على طول
السالفة وما فيها ان مجلس الرجال عندي جاي على شكل حرف L بحيث ان العمود حق الحرف مواجه للباب يعني الباب تحت بمحاذاة تكملة الحرف <<< يقطع أبو الوصف يا شيخة
وبعدين طرف الحرف اللي تحت حطيت فيه كنب مودرن مو كلاسيكي كنت ابغى الكنب مواجه للباب بس زوجي رفض
بعلي الحبيب يبغى يحط جلسة أرضية مريحة في أعلى الحرف <<<< أحسكم تقولون لو تسكتين أبرك
إلى هنا ما اختلفنا المصيبة انه قال يبغاها جلسة تراثية أنا هنا بغيت انجلط قلت جهة من المجلس مودرن وجهة تراثية ما تجي
بعد تفكير قلت يمكن ان هالجلسة التراثية تبرز التناقض مع الكنب ويصير المكان حلو 😡
تكفون أبي رايكم قبل ما يتهور ويسويها
هل تنفع جلسة تراثية وكنب مودرن في مجلس واحد؟
وإذا كانت تصلح أبي أفكاركم ومحلات اقدر أشتري منها بحيث يكون منظر الجلسة تراثي لكنها عصرية ومريحة
