عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام عليكم ورحمه الله وبركاته
كيفكم حبايبي
مشكله ولدي ويارب متى راح افرح بشوفته بخير
وبصحه جيده ومن غير مشاكل يارب انك قادر على كل شي
اول ماعرفت انه انا حامل ووصل حملي بالشهر الخامس
اكتشفو عنده مشكله بالقلب
وطلع على الدنيا والحمدالله على كل حال عنده القلب
وسوى عمليه
وكتبت قصته كامله ادخلو على مواضيعي
وموضوع القصه
قصتي مع ولدي لاخذ العظه والعبره
ولمن صار عمره سنه ونص طلع صديد من اذنه
اليمين وعلى طول على المستشفى وانا خااايفه مره
واعطوه مضاد وحولوني على استشاري اذن وانف وحنجره وسوى تنظيف لاذنه
وبعدها بشهرين نزل صديد ونفس الشي سوى تنظيف واعطاني مضاد
طبعا قالولي انه في ثقب بسيط جدا بالطبله
وعنده اللحميه كبيره
وفيه سوائل داخل الاذن
اعطوني شراب هستوب اكيد الكل يعرفه
ونقط للانف استعمله على طول
وقالولي مع الوقت باذن الله راح يتقفل الطبله
واللحميه ممكن تخف ويروح مع الوقت و اخذ الشراب
وصار على هذا الموال مايعدي شهر او شهرين الا ويطلع صديد ويعطونه مضاد
لغايه صار عمره سنتين وسبعه شهور قررو انهم يسوون عمليه لحميه وكمان عمليه اسنانه يشيلون اسنانه
لانها صارت طريه جدا اسنانه قد سمعتو عن الحاله هذي
وتتحرك الاسنان الاربعه الاماميه طبعا الفك العلوي
يعني اثنين بواحد عمليتين اسنانه ولحميه كمان
وكانو خايفين جدا لانه الاكسجين اصلا مو طبيعي مو كامل زي الاطفال الباقيين
يعني الاكسجين عنده بعد العمليه وعنده طبيعي على قوله دكاتره القلب
من 80 لغايه 90 بس وماراح يزيد عنها ولو طلع يعني اكثر من تسعين كويس ولو نزل اقل من ثمانين
طبيعي جدا
المهم طبعا دعيت الله لمن اعطوني اوراق التنويم وكل شي
يارب ان كان في خير العمليه انك تيسره من عندك وان كان في شر يارب انك تصرفه من عندك
وسبحان الله واقسم بالله انه جلس شهرين ينتظرون في سرير يكون فاضي
والحمدالله هذي نعمه من رب العالمين واستجابه لدعوتي
وبعد شهرين سوى عمليه لحميه وكمان اسنانه قلعوها
سته من اسنانه شالوها
وصار عنده الفك العلوي اربعه من اسنانه باقيه
نابين وضرسين وصار يفجع لمن يضحك
تقولون انه مصاص دماء …شر البليه مايضحك
واسنانه بالفك السفلي زي ماهيه سليمه والحمدالله
وذحين بعد العمليه بشهر تقريبا نزل صديد مره ثانيه
وعلى طول على المستشفى
اعطتني الدكتوره مضاد لمده اسبوع
وبعدها باسبوع نزل مره ثانيه صديد
يعني بينهم اسبوع فقط
وحولتني على الاستشاري وسوى تنظيف لاذنه واعطاني مره ثانيه مضاد
الله يشفيه يارب شفاء لا يغادره سقما
وبعدها بشهر نزل صديد الي هوه الاسبوع هذا
رحت يوم الاحد واعطتني مضاد لمده ثلاثه ايام
مره واحده باليوم
واليوم اخر جرعه اخذها وبعد اشوف في صديد في اذنه
وبكره بروح المستشفى لاني شايفه الصديد بعد موجود
وراح تعطيني مضاد ثاني
لمده اسبوع
طبعا الدكتور قالي فيه ثقب بسيط في الطبله باذنه اليمين
واذنه اليسار فيها سوائل
سالتهم ليش ماسووى ترقيع لمن سوى العمليه
قاللولي سنه بعد صغير ومايتحمل
ان شاءالله مع الوقت والعلاج الي هوه شراب هستوب
ونقط للانف راح يتقفل ومايحتاج عمليه
يعني ممكن في عمليه ثانيه لو ما تقفل الطبله لمن يصير
عمره سبعه او ثمانيه سنوات
بنات في احد صار له كذا او سمع عن احد نفس حاله
ولدي
والله ياقلبي تقطع عليه عنده القلب وذحين اذنه وخايفه
انه من كثر الصديد يصير مايسمع والمضاد ياثر على صحته
صح نسيت اقولكم فطمت ولدي عن الرضاااعه خخخخخخخ بدري
هذي صوره ولدي قبل العمليه ماشاءالله تبارك الله
هذي الصوره في العيد الفطر خخخخخخخخ
هذي الصور بعد العمليه اول ماخرج من غرفه العمليات وبعد تحت تاثير البنج ونايم ماصحى بعد
وهنا لمن فاق وطلعوني لغرفتي وكان يبكي
طبعا تعب من شيل اسنانه اكثر من اللحميه
بنات دعواتكم ربي يشفي ولدي وربي يحفظهم لي من كل شر
اااللهم امين يارب العالمين
واي استفسار انا جاااهزه
