مشكله معبتني كثير

السلام عليكم بنات ..

امم انا فكرت الف مره قبل لا اكتب هالكلام .. بس انا في حيره وتعب محد يعرفه الا ربي ..


انا عمري 19 سنه وطالبه جامعيه .. ومن 6 سنوات تعرفت على واحد اكبر مني ب 10 سنوات .. كنت رافضه علاقتي فيه بس ماعرف ايش الي خلاني استمر معاه .. المهم هالشخص كان يعلمني شو الصح وشو الغلط .. كبرت كل هالسنين معاه .. هو كان ناوي يخطبني قبل سنتين بس صارت ظروف في شغله ونقلو شغله لدولة ثانيه .. والمشكله ظروف شغله تمنعه انه يتزوج وحده مش من بلاده .. هو كان ناوي يفنش من الشغل بس للاسف بسسبب هالنقل صار ما يقدر يفنش الا بعد ما يتم برع 3 سنوات .. والحين باقي سنه وبتخلص هالـ 3 سنوات .. بس من سافر صرت ما اتواصل معاه كثير تمر اشهر واشهر ما اعرف عنه شي بسبب ظروف شغله .. بس صار يكلمني على المسن من فتره لفتره ..


ابوه من 3 سنوات وهو يبغاه يتزوج بس هو يرفض .. لين قبل اسبوع راح ابوه لشغله وطلب اجازه شهرين .. عشان يبغا يزوجه .. والمشكله انه كلم اهل البنت الي يبغاه يتزوجها ورتب كل شي وهو يعرف انه مستحيل يقوله لا .. هو حاول مع ابوه لكن ابوه رافض صار ما ياكل ولا يشرب ولا يطلع من غرفته .. حابس نفسه عشان يحس ابوه لكن مافي فايده .. المشكله انه اهلي عرفو اني اتواصل معاه وصارت مشاكل مع اهلي وهو كلم ابوي انه بيجي يخطبني بعد سنه .. انا اعرف ايش اسوي .. ماعندي غير ادعي لربي لاني صدق عايشه في حاله نفسيه ربي محد يعرف بها الا ربي .. وهو حالته اخس من حالتي وحالته في تدهور اكثر من قبل .. ياريت حد يقول لي شو اسوي لاني ماعندي حد اكلمه بهالموضوع .. هذي اول مره اكتب موضوع في اي منتدى بس عجبني تفاعلكم مع بعض وانا بأمس الحاجه لاي نصيحه او كلام يريح قلبي .. هالمشكله خلتني اتقرب من ربي كثير صرت مواظبه على صلاتي في وقتها واصلي قيام الليل وادعي كثير


اسفه طولت عليكم