مشكله اوجها في الجامعه بسيه بس عجزت القى حل

لما نكون داخل المشاكل نعجز نلقى لها حل او حتى نتصرف التصرف السليم

ابحكي لكم القصه وعطوني حل لاني وربي عجزت ويمكن ما عاد صرت افهم الناس

ابي حل صحيح وسليم ….

حنا فالجامعه قروبات بينا احترام متبادل ويمكن البعض منا عنده حساسيه مفرطه ويخاف من المشاكل والحزازيات فالعلاقات والبعض يمون بزياده وهاكذا والبعض ماخذ الامور بكل بسطه من كل وادي قطره 😆

للاسف انا من الصنف الاول وهذا الشي مضايقني لاني بديت اخاف من الناس واني اسوي علاقات عامه
اتوقع الاسائه من الكل
وما انلم من الي شفته

بقول القصه كامل بطول عليكم بس تحملوني

انا لي صديقه واخت دنيا وبنات حي واحد وجيران اطباعها شوي حاده ومن النوع الصامت الصادق المستمع الوفي و قلبها ابيض
>>ومهما كنتي غاليه ما توضح او تبين نشترك في هذي الصفه بنظري المحبه ما تحتاج كلام وتعبير هي شي فالقلب نحسه ونشوفه بدون كلام وتعبير <<

وانا من النوع للاسف الحساس اي شي يضايقني يبكيني يقهرني وما اتكلم عن الشي الي ضايقني وافتقر لصراحه والعتاب اذا زعلت اخليها بقلبي واجمع اجمع لين انفجر ويمكن اخسر الي قدامي لاني من البدايه ساكته عجزت اتغير ودي اعاتب واكون صريحه واوضحه بس عجزت جاني القولوان واوقات ارتفاع في الضغط مفاجئ عند الزعل ………

………

صديقتي لها صديقات وتعزهم انا ما ارتاح معاهم حاولت اضغط على نفسي بس عشان صديقتي ما تزعل
يعني اجامل قد ما اقدر ما افكر اخسرها عشان احد وبضغط على نفسي عشانها
ومع الوقت بدينا نمشي مع بعض وارتحنا لبعض لكن موب الدرجه القويه ويمكن كنت حذره فالتعامل معاهم
لاني اخاف من الاسائه مني او من الي حولي

………………
اجتمعنا في مكان فالجامعه وتركنا مكان الاول حنا وهذا القروب وصرنا نلتقي فيه والي يجمعنا هي صديقتي
في يوم
وحده من الشله الثانيه كانت تبكي بشكل هستيري ومفاجئ وكانت عند الحمامات هي وشلتها انا شفتها تضايقت ما قدرت ما اروح عندها والله لو الي قدامي حيوان موب انسان اكيد بيدخل في قلبي رحمه وشفقه وغير كذا حنا صرنا تقريباً
رحت عندها واشرولي صديقاتها روحي قلت طيب بروح بس طلعوها من عند الحمامات ما يصلح
وسمعو كلامي وقالو وين نروح قلت مكاناا وجو فيها سالفه المكان شوي معقده
وجو وجلسو واغراضنا موجوده وعادي ومازالت البنت تبكي تركناهم وتمشينا وانا ما ارتحت ودي اتطمن عليها
ورحت شريت مويه لها ولشلتها وجبتها لهم وهي ما زالت تبكي انا كلمتها قلت يافلانه تعوذي من الشيطان وقولي لا اله الا الله وكنت اتكلم بارتباك وهم يطالعوني بغضب انا ما فهمت ليش وما سويت شي
حتى لو صديقتكم عادي حنا خوات هذا الي جى فبالي ….المهمتكلمت وحده فيهم وبنفخه قالت ممكن تروحين انا انفجت ما سويت شي يخليها تقولي كذا بس ابي اهدي البنت يالله وربي ما ابي شي ولا استنى شي ولا سئلت وش فيها تبكي لان الي همني انها تهداا شوي

انا تضايقت وقمت بدون ولا كلمه صديقاتي لاحظو علي بس ما قلت وش صار ما قدرت اتكلم ولا ابي
المهم فالباص اجتمعنا وكانت واصله معاي
وتكلمت صديقتي قلت انا مو مستعده اتحمل احد عشان احد وتصرفات صديقات شوي لو قلت سخيفات سئلتني ليش وما رديت كالعاده
وهي عارف اني ما اتكلم عن الشي الي مضايقني
المهم هي تفاجئت وقالت ترى الي تبكي جدها توفى وهذا سبب انهيارها والخبر جاها فالجامعه انا هديت شوي وردي قلت موب مبرر لتصرفات الي حولها هي ضايقه ايه وهم خايفين عليها ايه والجو متوتر ايه بس موب لدرجه الغلط والاسائه
وناظرتني وقالت بعدين نتناقش

………………

جيت البيت وكنت ضايقه محتاره وشافتني امي وحاولت تعرف وقلت لامي السالفه لاني ما ادري وقتها هل انا غلط او هم وبنفجر من القهر
قالت امي صديقتك درت قلت لا وما افكر اقولها قالتلي قوليها وضحي لصديقتك تصرف صديقاتها عشان ما يركبك الغلط وحتى تفهم صديقتك سبب تصرفاتك وما يناظرونك بنظره المخطئ
وسويت زي ما قالت وارسلتها رساله تفاجئت صديقتي وقالت ردي لك بعدين موب الحين

اليوم الي بعده تقابلنا وطالعت فيهم وصديت هم تفاجئو ليش صديت وما سلمت وش صار انا من جوه مقهوره وما عاد فيني اجامل وامثل المحبه والابتسامه وللاسف حتى السلام عجزت عنه
ومرت الايام وكل منا يتفاد الثاني وما اكذب شفت صديقتي اوقاف توقف فالنص ما تدري من ترضي
لكن مع الوقت صارت معاهم وصرت بعيده عنها لظروف الى الان البنات ما يدرون عن سبب تغيري المفاجئ عليهم وانقلابي تقبلانا صدفها وجت وحده منهم وسلمت وجو معاها وكانت نظراتها عتاب يعني معقوله ما انتبهو على تصرفهم معاي او انا حساسه او لحظت غضب

الحين ينادوني تعالي اجلسي معانا خلوها تجي ليش ما عاد شفناها
وصديقاتي جاملي عشانا هم ما عرفوك زين وانتي ما عرفتيهم ولو مره اجلسي معانا
انسي صفي الي في قلبك وواو

بنات المكان انا انظردت منه في وقت من الوقات

ما ابي زيادت حزازيات ومشاكل ابي ارتاح واصفي قلبي على فكره ترى صرت امر اسلم عليهم