عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف الأخبار ؟ اتمنى ان تكون كل الفراشات بخير
عندي مشكلة وراح افضفضها لكم وانتظر الرد منكن بنوتات
انا فتاة في عمر العشرينات … مشكلتي هي ان انا دايما اكون حزينة ومتضايقة ومهمومة ولو صار لأي أحد شيء أتأثر وأظل مدة متأثرة .. ظليت على هذا الحال أن انا اكبر وأشيل همومي وهموم غيري
لما وحدة من صديقاتي يكون فيها أي شيء .. أدوس على نفسي واحاول افرحها واسوي المستحيل علشان بس آشوفها مستانسة
آنا الي مضايقني ان انا قاعدة اهتم في الكل وأحس ما في احد يهتم فيني
صارت لي فترة صرت كلا اقعد بروحي … ما أقعد مع بيتنا … صار همي النت وبس … اقعد على النت وأقرأ في المنتديات والماسنجر فقط .. ما ادخل شات .. أقرأ في المشكلات .. اشوف مشكلات غيري واتأثر لما اقرأها ودي اساعدهم بس ما باليد حيلة
اتضايق لما احس نفسي عاجزة عن مساعدة غيري
همي ما اقدر اوصفه .. صرت دائما أفكر في المستقبل .. وأفكر في غيري ما افكر في نفسي بالمرة
صرت أخاف لما أحد من عائلتي يطلع .. دائما اتوقع الاسوء .. أخاف على خواتي وعلى اخواني وعلى امي وابوي
صار أملي الوحيد اني اموت قبل كل الي احبهم
قبل ما انام .. ابكي وابكي من اتخيل نفسي ان فقدت احد من عائلتي
لما احد يمرض او يصير فيه اي شي .. ادخل غرفتي وابكي وادعي من ربي ان انا الي امرض .. انا امرض وهم يكونون بخير
مع اني ما اقعد معاهم لكن احبهم واعزهم ..
أملي الوحيد اني اموت قبل كل الي احبهم .. دائما ادعي ان ربي ياخذ أمانتي
خايفة من شنو يخبي لي المستقبل
صرت اتمنى الموت في كل لحظة ….. صرت ادعي على حالي
تقربت الى ربي أكثر وأكثر .. صرت اصلي في وقتها واقرأ قرآن وأدعية ..
لكن ما زلت اعاني من هذي المشكلة
أثرت في حياتي وايد … أنا الحين في الجامعة وآخر سنة لي وآنا ادرس ووايد أثر علي في دراستي من كثر التفكير
ارجوكم فراشات
انصحوني 🙁 شنو آسوي
