مشكلتي

نتنالسلام عليكم انا فراشه قديمه جداً وحابه أستشيركم في مشكلتي..

انا متزوجه من 4 سنوات تقريبا من يوم مااتزوجت سافرت للخارج مع زوجي المهم زوجي حنون وطيب وكل شي بس عنده سكر ولما يعصب يفقد صوابه، في بداية حياتنا كنت امتص غضبه والحمد لله كان يروق ويهدا والوضع تمام،،

رزقني الله قبل 9 شهور ببنت الله يحميها،، وهنا بدات المشكله بنتي كانت بكاايه ونكديه مررره وكان زوجي يعصب منها جداً لدرجه انو يضربها ضرب قوي جداً والله تخيلوا اول مره ضربها كان عمرها شهرين،، ديكا الفتره كان جداً مضغوط بس برضو مااشوفه مبرر، وبعدها هدي والحمد لله وانا أحاول مااخليها تبكي معاه،، بس برضو اتكرر دا الموضوع.. هوا يحبها ويموت فيها بس لما يعصب يضربها وبعدين يندم اشد الندم انو ضربها..

المهم اخر شي اليوم كان عندنا موعد مهم في الصبح وكنا متاخرين وانا صحيت متاخر فهوا عصب والمصيبه الكبري بنتي طاح الابتوب علي خشمها وخرج دم فزوجي مره عصب مع انو بنتي كانت معاه مع كدا ضربها كف وقعد يزعقلي وعصب عليا وقعد يسب،، وطبعا راح علينا الموعد،، لما شفت انو بنتي مهي راضيه تسكت قلتله نروح الدكتور ووديناها والله يستر قالوا اشتباه انو عندها كسر في الخشم،،

المشكله ايش انا ممكن اتصرف دحين،، ماعمري اشتكيت لاحد،، حتي أهلي مااقدر اروحلهم انا في ايرلندا وعندي بعد اسبوعين اختبارات.. انا مني عارفه كيف اتصرف خاصه أنو فقدت الإحساس بالامان معاه..

وشكرا مقدما وعذرا اذا ماقدرت ادخل ارد عليكم،،