عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمته الله وبركاته
اول شي اتمنى انكم تساعدوني وتقولوا الحلول اللي عندكم لانه ماكتبت مشكلتي الا وانا دورت عندي كل الحلول بس مع هذا كله اقول مادام ربنا موجود انا عندي امل
حكتبلكم قصتي من اولها عشان اخليكم داخل الصورة وتعيشوا الموقف
واتحملوني لاني حكتبها بالعامي<<<<
كنت اكتب ارائي في مواضيع الحياة في موقع من المواقع وطبعا كتير اللي يردوا بعدك او قبلك وكان فيه شخص كل موضوع ارد عليه الاقي نفس الشخص يكون كاتب رايه كمان وندخل في نقاشات على نفس الموضوع وفي يوم بعد ماعدت فتره وسار الكلام بيناتنا بشكل يومي ونطمن على بعض الى مااتطورت العلاقه
في يوم من الايام قالي هذا ايميل اختي ابغاها تكلمك وتكلميها عشان هيا تبغاكي في موضوع انا ماصدقت ومااعطيت الموضوع اهميه
في يوم من الايام كنت مشاركه في مهرجان وهو يدري اني مشاركه ورسل اخته وشافتني وجات وقالتلي انه هيا اخته ويبغى يتقدم انا انصدمت وماعرفت ارد عليها وطنشت الموضوع مااعطيت الموضوع اي اهميه
بعدها بيومين كلمني وانا بكلمه بشكل رسمي هو حس انه ممكن انا زعلت من حركة اخته بس انا من جوة نفسي انا مني زعلانه بالعكس لانه حتى انا عاجبني اسلوبه وعاجبني تفكيره
قالي انا ابغى اتقدم وابغى اكلم اهلك قلتله انت تمزح وانا محا اصدقك وطنشته وهو زعل انه كيف اطنشه وهو بيتكلم في الموضوع بكل جدية
انا انقطعت عن البلد لمدة شهر تقريبا بسبب سفري واول مارجعت لقيت ايميل منه انه هو حيجيب اهله وحيجي لما شفت الموضوع صار من جد صرت اتكلم معاه بكل جديه وبعد طبعا ماحسيت انه اخته تكلمني عنه بكل جديه ايضا
قلتلهم طيب بس اهم شي عند اهلي اني اكمل دراستي قالي انا ماعندي اي مانع
وفي يوم من الايام كنت تاركه ايميلي مفتوح واخويه جا وشاف الكلام اللي بيناتنا انه فيه موضوع زواج وخطبه
جاني وكلمني وعصب عليا وقالي لاتفتحي الموضوع ولاتفكري فيه بمجرد التفكير لانه انا محا ارضى بديه الطريقه
طبعا رحت قلت للشخص الفلاني اخويه عرف ورفض وعصب عليا وحرمني من اشياء كثيره ايامتها وقالي اوعديني انك تتركيه بس انا ماوعدته لانه ماقدرت وحاولت تقريا لمدة شهرين ماقدرت اني انساه ولاهو قدر ينسى
وبعد فتره الشهرين هذه اتكلمنا في الموضوع انا وهو مره ثانيه قلتله حقول للوالده مافي حل غير كذا قالي طيب
وقلتلها ولكن للاسف رفضت لنفس سبب اخي وهو طريقة كيف جا انو جا عن طريقي
ووضعوا سبب تاني انو هو بيكمل دراسته وبيشتغل في نفس الوقت
مع انه انا احبه وابغاه وهو يحبني ويبغاني وكلمتني امه ومستنية رد الين اليوم انه اهلي موافقين انهم يجوا ويتعرفوا
وانا قلتلهم انا محا اوافق على طول انا ابغاكم تسالوا عنه يعني ماحطيتهم قدام الامر الواقع وقلتلهم ابغاه بالعكس قلتلهم اسالوا واعرفه بس برضه مارضيو يستقبلووه وانا ابغااااااه وهو يبغاني
ابغى حل يقنع اهلي انهم يستقبلوا ويسالوا عنه…لاني انا سالت عنه وطلع انسان كويس ومحترم
ساعدوني الله يخليكم
يمكن فيه اشياء كتير ماتفهموها بس يمكن لنه مااعرف اكتب واشرح كتير واتمنى انكم تفيدوني الله يخليكم
والله يفرج عليكم
اختكم
