مشكلتي مو مشكلة !! بلييييز لاتتركوني

بصراحه ترددت اكتب لكم بهالقسم بس جد حسيت اني مررره محتاره وابغى مشورتكم واعرف ماشالله من خلال تجولي في المواضيع هنا شايفه بنات كثير كلامهم يبرد القلب ويساعدون اي وحده

عشان كذا حبيت اني اطرح عليكم مشكلتي

هي مو مشكلة بحد ذاتها بس مدري وش اسميه

بداية ,,

انا لي 11 شهر متزوجه ,, وعمري23 وهوا27 ,, والحمدالله حياتي عاديه زي اي بنت متزوجه يعني في شد ورخي ومشاكل زي اي بيت واي 2 توهم متزوجين يعني عاديه

بس الي اشتكي منه ويضايقني ,, زوجي يعرف وش احب ووش الي يسعدني بس عمره مافكر يسوي اي شي من الي احبه

هوا طيوب وحبوب بس طبعا في نذاله شوي زي كل الرجال
كثير ماشالله يساعدني بشغل البيت ان كنت تعبانه ,, وان تعبت مااطبخ اوحتى لو مالي خلق يجيب من برا

يعني مو مقصر

بس من تزوجنا ماعاد اهداني شي ابد ,, ماعمره فاجأني والا حسسني انه بادر هالمره بادره من عنده بشي مره رووومنس

يعني ماشالله ليالي رومنسيه كل شهرر لازم ليلة اسوي له
هدايا لازم بكل مناسبه
ان ماكانت ميزانيتي اوك في الليالي الرومنسيه بس اعمل عشا او غدا مثلا مكسيكي والبس فستان مكسيكي والا هندي والبس له هندي
لما يسافر او انا اروح لأهلي لازم احط بين اغراضه اشياء بسيطه يعني حركات نص كم

في المقابل هوا مر علي في هال11 شهر مناسبات كثيييييييييييره تخصني وعمره مافكر حتى يجيب ورده ب5ريال

مثلا ,, تخرجي من الجامعه,,
يوم ميلادي<اعرف حرام بس شي روعه الزوج يتذر زوجته بهالوقت
مناسبة حملي<الله يتمم يارب

واخيرا عيد الفطر

تخيلو يابنات خوااتي وحريم اخواني كلن يسولف وش جاهم وانا العروس الي يعتبروني ماشفت شي

للأسف يابنات احس اني متزوجه شايب مو شاب توه