مشكلتي مع ولد عمي

سبق وطرحت مشكلتي مع ولد عمي وحبي له
http://satfrequencies.com/girls/alfrasha28/thread1243740/

واشكر كل الي ردوا علي والله يجزاهم ألف ألف خير =)

والحين ابي اخبركم بآخر التطورات

ولد عمي قالها لي بصريح العبارة انه يبي يتزوجني ويسافر معي ندرس برى بس يبيني اصبر عليه شويات لحد ما يكون نفسه وانا ماعطيته رد رغم اني احبه لعدة أسباب وهي تتلخص حول شخصيته

1- انا انسانة حساسة تعودت على الدلع من جميع الاهل -بحكم اني اصغر بنت + البنت الوحيدة بالبيت- وهو شخصيته شوي جادة وما يدلع ولا شي

2- شخصيته جدا جدا قوية .. يعني اذا قال لا مستحيل يغير رايه ومو مسموح لي اتناقش معاه حتى .. واذا قلت بتناقش يعتبرني اعانده !

3- عزة نفسه بشكل مو طبيعي .. ممنوع ياخذ فلوس من عند ابوه او احد من اخوانه حتى لو هو محتاج !

4- عنده سالفة الرجل غير المرأة وان الرجل مو من حقه ياخذ فلوس او شي للمرأة .. وكل المصاريف لازم تكون عليه لوحده

5- غيرته مو طبيعية .. يعني يغار من كل شي وعلى كل شي .. لو احد يطالعني بنظرة يفور دمه ويعصب .. وقال لي بصريح العبارة لو نسافر برى ما تكشفين انا وحدي بس من حقي اشوفك .. وانا تعودت على شي ثاني !

والله يذكرني بمعتز الي بباب الحارة .. عرفتوه؟!
عصبي بس حنووون وشايل أمه وبيتهم فوق راسه .. ومرررة يحب الأطفال وطيوب معاهم ويحبوه .. والكل بعايلتنا يقدره ويحترمه الكبير قبل الصغير وياخذون مشورته في كل شي

6- هو اكبر مني بسنة واحدة فقط .. وانا طول عمري ابي واحد اكبر مني ب5 او 7 سنوات .. احس لما يكون عمره قريب مو اوك .. يعني بحالة الكبر انا 50 هونت عن الاولاد وهو 51 لساته في عز شبابه .. ويا ما سمعت عن ناس تزوجوا الزواج الثاني بسبب ان زوجته كبرت بنظره وهو بعده شباب

مو عارفة ارد عليه .. اخاف اوافق عشان الحب الي بقلبي واندم ونعيش بمشاكل !