مشكلتي مع خالاتي

هم كلهم بديره واحنا بديره يعني بس امي البعيده عن اهلها واذا رحنا عزايم وجمعات وسهر ووناسه

الموهيم تزوجت انا ولد خالتي وسكنت عندهم هناك رحت عن اهلي وكنت مبسوطه اني بصير دوم عندهم مو مثل اول

وكنت اقول لزوجي ترا كل يوم ابي اروح عندهم وكان يقولي ترا بتطفشين وماكنت اصدقه

وبدت من هنا معاناتي

تخيلو كل خالاتي الا ام زوجي غيرهم 👿

تخيلو مره صار عند وحده من خالاتي عشاء وقلت فشله بيت خالتي باخذ شيء معي وعشاء كبير وحمولتها

وسويت صنيتين حلا وصينيه كبيره سلطه يعني مره شيء شغلي فيهم

تخيلو يوم حطو العشاء للحريم ماحطت شيء منهم ابد وهي ماسوت اصلا لاسلطه ولاحلا لاهي ولابناتها

وانقهرت بس قلت يمكن ودته عند الرجال يوم قعدت اساعدهم اشيل الاغراض لقيت اغراضي محطوطه عالطاوله وسئلت خالتي قلت شكلك ناسيتهم خاله قالت لابس اصلا محد طلب منك ➡ يعني انا سويت شيء غلط؟؟؟؟؟؟

تحسبني بتكلم بقول اني انا مسويته 😡

هاذي وحده وهي نفسها ذي خالتي بناتها مايطبخون وكنت قبل زواجي ❗ اكتبلهم الطبخات السهله

الموهيم ذاك اليوم عزم زوجي خوالي وعيال خالاتي وسويت اشياء كثيره لحالي يوم جيت خالاتي من بكره قالت خالتي ذي نفسها من متى تطبخين انتي وش اسم الحرمه اللي اخذتي منها الحلا والمحاشي والسبرنق عيالي يمدحونها قعدت اضحك قلت والله خاله انا قالت ماعمري سمعت امك تقول انك كنتي تطبخين;)

وخالتي الثانيه تخيلو زوجي يخليني كل خميس عند جدتي وعند خالتي اللي ماتزوجت واصير اطلب لهم عشاء وهيك الموهيم مره قعدت ووجت خالتي الثانيه يوم شافتني قالت وين انتي مخليه زوجك فيه قلت هو يخليني هنا اصلا قالت والله لاقوله فشيله الحرمه تقعد تتعشى برا بيتها 😆 hy: 😥

يوم جاء زوجي ياخذني قالتله ترا عيب ومدري وشو ساعه تهذر على راسه حتى هو تاثر بكلامها 😆 hy: وصار ماعاد يوديني لجدتي الخميس 😡

وخالتي الثالثه اللي هي فالبيت ماتزوجت هاذي قصتها قصه

تخيلو مره جو اهلي ولما راحو اخذت اسبوع وهي تقول سالفه اختي قالتها لها وتعلق وتتطنز استغربت منها يعني احس السالفه خاصه وعاديه مافيها شيء يضحك

ومره اختي كلمتها وقالتلها اني اسوي خبز تورتيلا وابلشت اختي جيبيلي ارسليلي بذوقها يوم قالتلي قلت روحي اشتريها قالت لاوالله اهلك كل ذا بخل 😈

الموهيم واول زواجي جتني هدايا كثيره قلت اللي مابيه بهديه الموهيم فيه عطر وكريمه مره حلو من بوس قلت بهديه لماما وخليت الكريم عندي وحطيت العطر مع ساعه شريتها لامي وغلفتها وعطيتها امي الموهيم ماقلت لامي انه من الهدايا سكت مو حلوه اقول لها

الموهم ومره هي تفتش في اغراضي لقت كريم اللي نفس العطر قالت هذا نفس ريحة عطر امك قلتلها انه هذا هديه وعطيته ماما وراحت بنفس اليوم وقالت لامي 😳 مدري وش استفادت ❗

تفشلت من امي مرررررره 😉

وامي عادي عندها

هذا وغير سالفه خاصه قلتها لها طلعت قايلتها لكل بنات خالاتي:D

يؤؤؤؤؤؤؤ وكثيرررررررر هذا مو كل شيء المشكله اني مضطره اروح لهم كل مابيطلع زوجي 😆 🙄