عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم…
انا يافراشات ساكنة مع اهل زوجي بس بشقة لوحدي….موظفة وعندي شغالة وبنت وحدة
بحكم عملي وبعد اهلي حيث يسكنون في مدينه تبعد الف كيلو وما اشوفهم الا بالاجازات صاير اكثر وقتي بالبيت…يعني من الدوام للبيت ومن البيت للدوام…اخرج نهاية الاسبوع انا وزوجي مطعم او نروح نتقهوى بمقهى ونلعب البنت…ممكن انزل جدة كل 4او5 شهور اروح خميس وجمعة بفندق اتمشى وارجع لان جدة قريبة تبعد ساعتين بالسيارة …انزل السوق بمعدل مرة الى مرتين بالشهر….
طبعا انا كذه حياتي عاجبتني ..ماني كثيرة هجولة وخروج…احب بيتي ….من النوع اللي اعشق النظافة تشوفيني بن فترة وفترة انظف الشبابيك واغسل كل المواعين اللي بالدواليب بكلوركس على دفعات اخصص لها مثلا 3 ايام انا والشغالة وابخرهم بعد بمستكة …انفض غرفتي مرة بالشهر ننظف الستائر ..,,,وووووو وغيرها من التنظيفات طبعا مو كل يوم ممكن يمر اسبوعين ما اسوي شي بس هالتنظفات بين فترة وفترة خاصةبالاجازات…
هذا بالنسبة ليه ….اما ام زوجي النقيض تماما ..اولا ام زوجي ماعندهابنات بس اولاد..ساكنة لوحدها هي وعمي بشقة فوقنا اما الشقة الثالثة فهي لزوجته الثانية بس هو وقته كله عند ام زوجي لان الثانية تعبانة وكبيرة وام زوجي صغيرة بسنها بنهاية الاربعينات….وهو يحبها اكثر بشهادة الجميع….المهم زي ماقلت ام زوجي النقيض تماما دااااائمة الخروج اسبوع عند اهلها واسبوع عند ولدها الثاني اللي بجدة واسبوع عندنا …هاذي حياتها…النظافة اخر اهتماماتها يعني بيتها مو نظيف مرة …طبعا مسالة الخروج وعدم النظافة انا اقولها لكم بس لها عمري ما قلت لها طبعا لانه حياتها وهي حرة فيها وانا مالي دخل انصحها ..خواتها دايم يهزئونها وقدامي كمان انك مخليه رجالك وقاعدة تهجولين مع انها والله يابنات طيبة بالمرة وتحب عيالها مووووت بشكل جنوني وان خرجت ياعند اهلها او عيالها تقية محافظة والادمية كويسة واصلا يوم تزوجت قالوا يابختك في ام زوجك عاقلة ورزينه…اذا وحدة نفست منا انا وسلفاتي هي تخدمنا وتسوي لنا وتشيل عيالنا ومسالة خروجها المتكرر من بيتها هاذي شيء خاص فيها وزوجها سامح لها لانه مايخرجها بحكم حرمته اللي فوق تسوي لهم ساااااااااالفة فهو من تزوجها على كلامها واغلب وقتها عند اهلها وهو مايقدر يمشيها ومايحب التماشي وحس انه مقصر معاها فقال لها لك الحرية ومن تزوجت وهي كذه…ويحبها موووت دايم يتكلم فيها….وهي اذا راحت زوجته اللي فوق ترسله الوجبات …
المهم كل اسبوع تتجمع مع خواتها وزوجي اغلب حياته مع خواله وهم الحق ينقال ينحبون من القلب ويعاملوني زي بنتهم….انا اجي من الدوام تعبانة وابي انام يكون يوم اربعاء وهي تقول لازم تجين واروح معاها وانا فيني النوم وما الرجع الا الفجر وانا هلكانه واذا بغيت ارجع بنص الجلسة تزعل…واذا جاء يوم وقلت تعبانة مابروح قالت انتي تجيبين التعب لنفسك ….وسط الاسبوع تقول يله نخرج السوق وانا ما احب اخرج وسط الاسبوع اقولها روحي زوجي يوديك وانا مو لازم اروح عندي اوراق وتحضير وبنتي وووو…تقوم تقول انتي معقدة…طبعا انا ازعل واكتم بخاطري….تجي تبي تروح لاهلها في مدينه تبعد عنا ساعة (خواتها في نفس مدينتنا) وتبات عندهم تقول تعالي عند اهلي اقولها احراج اش اقعد اسوي عندهم لا مناسبة ولاعزيمة انا استحي ماله داعي وتبيني ابات عندهم خميس وجمعة….احس انه ماله داعي والله يابنات تزعل وتقول انتي معقدة ماتحبين الا تقعدين بين هالجدران…والا تقول اذا مابتجين اخذ البنت …هي تحبها بشكل جنوني واغلب وقتها وخرجتها معها وانا اذا بنتي طلعت اقلق وما انام لين تجي والا تاخذها يومين ثلاثة عند ولدها الثاني وانا اقعد على اعصابي …على فكرة تزعل لو قلت ماتاخذينها وتصر لين يجي زوجي يقول امي مسكينه تبي البنت ارسليها….
ومسكتني مرة قالت يابنتي انا اخاف عليكي …قلت من اش؟؟قالت يجيك اكتئاب نفسي من جلستك بالبيت …قالت انا اذا جلست بالبيت يوم اطفش …قلت لها انتي فاضية لابنات عندك ولا اطفال ولادوام وزوجك سامح لك بس انا وضعي يختلف عنك لاتقيسين حياتي بحياتك…تصدقون ما اقتنعت ولازالت مصرة اني معقدة…مرة جات وقالت يلة نخرج المكان الفلاني قلت لها براحتك انتي روحي وانا عندي تنظف للبيت شافت شغالتي وهي تنظف والصابون والزحمة…قالت الحين تضيعين خرجة عشان تنظفين البيت انا ما احب اللي تقعد متعلقة بالجدران تمسح_هي قصدها تريقه- هاذي معقدة….طبعا جاني بكاء من كلامها…يعني الحين مرت ولدك رازة نفسها ببيتها وماتخلي زوجها لوحدة بالبيت يحتاج شيء وكمان تهتم بالنظافة ومو عاجبها…
جيت اقدم على شغالة قالت اش رايك نشترك انا وانت فيعا شققنا صغيرة ويمديها ومافي الابنتك…انا وافقت وياليتني ماوافقت..دفعت 4 الاف وانا دفعت ال4 الاف الباقة حقت الفيزة وقالت انه الرواتب مشتركه بينا انا 400 وانت 400 قلت طيب…..
جات الشغالة وصارت الصباح ساعتين تنظف البيت وانا طبعا بالدوام وتطلع بعدها فوق وتقوم خالتي تسوي الغدا(طبعا انا بالبداية قلت لخالتي انا ماابغى اتعبك خلي غداية انا وزوجي لوحدنا تحت وانتي حرة بغداك …قالت لأ احنا ببيت واحد كلنا نتغدى سوا وانا طابخة طابخة مايفرق معي اذا زدت كاستين رز وبعدن صعبه ننبش للشغالة مطبخن تنظفه مايمديها) المهم اجي انا وزوجي نتغدى فوق ثم ننزل والشغالة فوق ماتجيني الا بعد المغرب او العشاء تنظف المواعين الغدا وتجلس فوق وتدهن خالتي ثم تنزل واذا احتجتها اقعد اناديها مع الدرج…دفعت لي اول ثلاث شهور بعدين سحبت علية ولا اعطتني شيء ويوم اجي ارسل فلوس الشغالة يقول لها زوجي ترى بنرسل تقول ماني دافعة من زين شغلها عالماشي وماتنظف زين واغلب وقتها مع البنت وانا خلاص بجيب لي شغالة…هاالكلام من خمس شهور ولاسوت شيء …طبعا الشغالة فعلا قامت تنظف اي كلام وتتافف ومو عاجبها الشغل في بيتين…رغم انه تعاملها معي انا وبنتي تمام واذا غابت خالتي تجلس تحت عندي مبسوووووووطة واذا جات تتافف لان خالتي طلباتها كثيرة ممكن تقومها من على الوجبة ثلاث اربع مرات عشان صحن او ملعقة وهذيك موعاجبها ..اذا اشتغلت معها بالمطبخ …كل كلامها بسرعة بسرعة والشغاله تلوي وجهها…..المهم صبرت…لين جاء ذاك اليوم
تجمعنا مع خواتها ومرت اخوهم نفاس وماتهتم بنفسها تطلع من غير شراب وشعرها مبلول قاموا نصحونها انه تهتم بنفسها عشان صحتها وظهرها مايعورها وووو…قمت قلت انا والله فترة نفاسي ماقمت من فرشتي اهتم بنفسي من هالخلطات والحلبة لين الحمد لله قمت والدكتورة لما كشفت على رحمي قالت ما كانك والده…قالوا ماشاء الله هاذا المفروض يصير الوحدة تهتم بصحتها قامت مرت اخوهم قالت ماشاء الله عليك بس انا استكثر قعدتي بفراشي ومن هالكلام واحنا نتناقش عااادي…قامت ام زوجي تقول اصلا انتي نفاس والا مونفاس ماتطلعين مايفرق معاك …وانا اشوف انه الوحدة ماتعقد نفسها وتخرج وتعيش حياتها…قلت لها انا ماحب اخرج كثير ويازين المرة ببيتها يكفي اني يوميا اطلع دوامي …قامت ترد علي بكلام وانا ارد قامت امها اللي هي جدة زوجي قالت يابنتي الزم ماعليك بيتك وزوجك ماعليك من احد (هم دايم يهزئونها يقولون ماتدرين عن زوجك)
انا حسيت انه قدر يطبخ براسي وزعلت وقمت ابكي بس ماشافوني…..
يعني انا محترمه نفسي وقاعدة ببتي ومهتمه بنظافته وشغالتي اغلب وقتها عندك وما يدفع راتبها الا اناماتعطين ريال واحد ومو عاجبك …واعلنت الحرب….
رجعت ذاك اليوم واخذت المفتاح من الشغالة ونمت وقمت الظهر طبعا وقت اجازة اللي هي الحين اجازة العيد طبعا الشغالة قامت تدور المفتاح مالقته انا على اساس ماتطلع لها…
قامت خالتي تدق على ولدها فين الشغاله؟؟؟ قال ما جاتك… قالت لأ وانا حايسة بالمواعين والحمامات ووووو….صك السماعة وسالني ليش ماطلعت قلت له يوووووه نسيت مفتاحها بغرفتي ذلحين اطلعها وانا اساسا انتقام مني…بس قلت اشتغل عالهادي… وطلعت والدنيا فوق حايسة والمواعين لان ولدها الكبير وحرمته عندهم وطبعا الحرمه ماقامت تنظف ولاشي على اساس شغالتي بتطلع…طلعت نظفت ونزلت عالمغرب وانا كل شوي اناديها وسويت لهم قلق طبعا خالتي حست اني زعلانه لاني ما طلعت اليوم كله لين الليل وهاذا مو بالعادة …كان في عشاء بالليل سويت معي طبق حلو ومالح وطلعت قالت وينك حتى ماعلمتيني انك بتطبخين شي على اساس نوزع الشغل رديت بكلمة قلت ما امداني واصلا كنت مشغوله…هي حست ….ما اطالع فيها يابنات لما اذكر كلامها انقهر…_اصلا مرة قالت لي انا انقهر منك انتي تنرفزيني قصدها بتصرفي لما اقول انا احب اقعد بالبيت_
قمت بعد العشاء وامسك الشغالة واقولها اسمعي مايدفع راتبك الا انا قالت مدام فوق ما يدفع قلت لاأ انا بس…وبعدين انتي دايم اذا طلعت زعلانه خليك هنا احسن وقولي لها انا ابغى اشتغل ببيت واحد وبس ….انا مافدر اقول لها عشان ماتصير مشكلة مع زوجي وراتبك من عندي مو من عندها يعني لاتخافين وسوي انك زعلانه….((طبعا هي مرة قامت تلوي بوجهها عند خالتي لما تطلب منها شي وقلت لها عين هاذي جدة كبرة ما يصلح )) والحين الشغالة تقول كيف تبيني اسوي زعلانه وانتي قلتي عيب…انحرجت…قلت هاذي لما كانت تدفع نص راتبك الحين لأ….وقلت لها مو انتي اذا طلعتي فوق تزعلين قالت ايه قلت خلاص جبت لك الحل اجلسي عندي وبس وقولي لها انا ماابي اشتغل ببيتين وبكرة لاتطلعين تنظفين راتبك بجيبي انا وبس…قالت طيب كذه يامدام احسن ووصيتها الكلام مايطلع بس بينا …طبعا المفتاح رجع لها …ويوم قمت الا هي طلعت فوق وقامت نظفت لها وعيال سلفتي ترضعهم وتشتغل لسلفتي وانا اغلي تحت….ولما نزلت قلت ليش طلعتي قالت انا خفت منها….قلت اش قالت لما طلعتي …قالت سالتني انتي ليش ماتبين عندي قالت انا اتعب في شغل بيتين قالت لها خالتي انا بجين ياحبشية اوتكرونية تنظف البيت لاني ما ابغى اندنوسية لاني ما اتواجد دائما بالبيت ولازم الاندنوسية تجي معي بكل مكان وانا ابي اصير حرة اما الحبشية ممكن لما ما اكون فيه تروح لجماعتها….–طبعا هالكلام قد قالته لي من قبل وانا قلت لها ماينفع لانه ممكن اي لحظة تروح وتخليك اما الاندنوسية بايدك.. وما اقتنعت والحين تولول لو ما طلعت لها شغالتي….–المهم قالت شغالتي انا يامدام شفت بعيونها دموع قمت قلت خلاص انا ممكن انظف عندك يوميا الشغل العادي بس بالشهر جيبي وحدة تنفض البيت…انا يوم قالت كذه انقهرت قلت ليش قلتي لها كذه واخلفت اتفاقنا قالت حزنت عليها يامدام قلت اجل ليش تتضايقين وتزعلين اذا طلعت والحين حن قلبك افهمك انه الراتب عندي وتقومين تتبرعين بالشغل عندها… قامت الشغالة تبكي وقالت انا خايفة الوضع مو عاجبني هديتها وقلت خير…
اليوم رحت لاهلي واخذتها معي يوم رجعت قال زوجي والله امي مسكينة تشتغل فوق لوحدها وتغسل المواعين هاذي الشغالة حمارة وفيها وفيها طبعا مايدري انه انا اللي مهددتها انها ماتشتغلها…قلت له انا اتفاهم معها وخلاص…..
يابنات ماني عارفة اش اسوي بكرة ؟؟؟…انا اخذت الموضوع تحدي يعني ريال ماتعطيني وتبين الشغاله عندك طول اليوم طبعا انا اتوقع خالتي بالمقابل انها تطبخ لي مع انها هي اللي اقترحت انا ماطلبت….لا وكمان ماني عاجبتك ومعقدة نفسيا….
اخاااف الشغالة تفضحني لانها ضعيفة وتبكي بسرعة..ما ادري اخلي الوضع زي اول علما انه خالتي مابتقدم على اندنوسية تبي من هاذول اللي باليومية…والحين هي تدور يوم شافت الشغلة كذة بس اخاف ماتلقى يقوم زوجي يهزأ الشغالة انه تطلع لامه وتبكي وانفضح؟؟؟؟؟؟؟؟؟؟يارب تساعدني
