مشكلتي مع الحمل يارب توفق اللي ترد علي

اخواتي بقولكم عن مشكلتين انا اعاني منهم
الاولى
هي واني والله الحمد متزوجه من تسع اشهور وانا اكلت مانع ثلاث اشهر بعده تركته جلست شهرين بعدين رحت لدكتوره لان ابو الشباب مستعجل بالحيل المهم انا رحت لدكتوره وكان اليوم الثاني من الدوره قالتلي الدكتوره حلو منك انك جيتي بهذا التوقيت سوتلي تحاليل من خلالها اكتشفت ان التبويض عندي ضعيف نتيجه للمانع اللي اكلته اعطتني حبوب قالت اكليهم لين يخلصون بعدين تعالي
تقريبا ست ايام بعدين رحتلها كان اليوم العاشر من الدوره وبزيارتي الاولى قالت لازم زوجك يعمل تحليل للمني بس لازم يكون له اربع ايام ماحصل بينكم علاقه سوى زوجي التحليل ولما رحتلها وكان معاي تحليل زوجي شافته الدكتوره كان سليم الحمد الله سوتلي سونار ع المبايض وكانو مره اوكي قالت اليوم لازم زوجك ينام معاك وبكرا وبعده قلت انا واكي كنت انا وزوجي سليمين والله الحمد سوينا بكلام الدكتوره ولاكن الفاجعه لما جاء وقت الدوره انزلت الحمد الله ع كل حال طبعا انا رفضت اني اروح لدكتوره مره ثانيه عرفت بتسويلي زي المره الاولى قلت كيفها متى ماكتب ربي لكن الدوره اللي قبل الاخيره تأخرت عن موعدها 15 يوم زوجي فرح مره و اهلي يباركولي انا املت شوي مع اني ما احس باي اعراض للحمل بس قلت الله كريم ولماتاخرت تقريبا 13 يوم قال زوجي يلا نروح نحلل رحنا طلع سلبي قال زوجي لازم تدخلين ع الدكتوره تشوفين ليش تاخرت اذا مافي حمل قلت اوكي دخلت قالت اعطيني تحليلك اعطيتها قالت مافي حمل قلت طيب انا عارفه ان مافيه ابي ليه تاخرت الدوره قالت مااعرف بس بعطيك حبوب تنزلها قلت لاشكرا مابي حبوب هي تنزل من نفسها طبعا نزلت بعد يومين وكانت نزيف مره وتنزل قطع كبيره تعبت معاها والدوره اللي بعدها هي للحين اخر دوره نزلت علي وهي بتاريخ5/5 وغسلت 10 /5ونزلت طبيعيه نفس دورتي المعناده ابي منكم يابنات في وحده صارلها مثلي انها سليمه وزوجها سليم ولاصار حمل وايش اسبب والله تعبت كل اللي تزوجو معاي اللي بتولد وللي حامل ماشاء الله وزوجي مره متضايق انا مدري ايش اسوي مو بايدي متوكله ع ربي وربي هو اللي بيرزقنا
ملاحضه زوجي مايكون عندي الا الاربعاء والخميس والجمعه الانه مدرس وانا طالبه بالجامعه ادرس واجلس عند اهلي ايام الاسبوع احياننا اقول يمكن ايام التبويض تكون لما يكون زوجي مو عندي بس مدري والله الله يكتب اللي فيه خير دعواتكم

المشكله الثانيه
هو انه وقت العلاقه الحميميه احس شي جوى يوجعني لما يضربه زوجي هو من ناحية اليمين كنه مكان الرحم يوجعني مره بس مو بس بعد الدوره لا دايم حتى زوجي يحس انه يضرب شي جوى

بنات تكفون جاوبو علي والله مالي الا انتم الله يوفقكم