مشكلتي , مع استاذتي =(

,

كيفكم صبايا ؟!

,

شسمه السالفة ومافيها

,

انه قبل اسبوعين تقريبا اساتذة مادة الاحياء , طلبت مننا جمع الدفاتر عشان تصححها ,

الموهيم قبل ما اعطيها دفتري , فتشت بالاوراق الاخيرة , لان احيانا اذا طقت معي قعدت اشخبط ورا واكتب سواليفي انا والبنات ,

وراحت الدفااااتر 😆 🙂

وتقريبا عالحصة السادسة او السابعة , وصلت الدفاتر مصححه

وكل وحدة طيراااااااااااااااان ع دفترها , وطقاق وهواش وصراخ اوب طبيعي > حشى بقر مو بنات 😳

,

بعد مااخذت دفتري

انصدمت بورقة بالنص , فتحتها وليتني مافتحتها ,

بغى يجيني انهيار عصبي

تخيلو يوم فتحتها لقيها وحدة من اوراقي , كانت موجودة باخر الدفتر , بس سبحان الله ,مدري شلون

ماانتبهت لها ,

وسالفة الورقة ,

انو في مشكلة صارت بيني وبين خالتي كانت مره قريبة مني , بس مـدري وش الي غيرها علي

وقالت كلام عني مرره قوي انا بغيت اموت يوم تخيلت اني ف يوم اسوي الكلام الي قالته عني

وربي كل مااذكر الكلام الي قالته خالتي لأمي , ارجع اصيح ومدري وش يصير لي ,
,

وكنت بالمرره متضايقة , فما لقيت غير هالورقة , وطلعت حرتي فيها , سب ودعاء عليها (خالتي )

الله لا يسامحها بس , اشوف فيها يوم ➡

,

ومن عقب هالورقة واحس الاستاذات متغيرات علي , مـدري هم جد متغيرين علي , ولا من كثر ما افكر باستاذة الاحياء , قمت اتوهم

وهي بعد نظراتها لي احس فيها كلام , بس مو فاهمه ايش ؟!

واليوم كانت المناوبة عليها نهاية الدوام الدراسي , وربي عينها كانت علي , وانا انزل راسي , وارجع اناظرها

والاقيها تناظرني بنفس النظرات , بس كل ماشافتني اناظرها وخرت عينها , وبعدها بثواني ترجع تناظرني من جديد

ودي اروح لها وافهمها السالفة , بس بالمره صعبه اني اقولها خالتي سوت لي كذاو كذا وكذا ,,,,,,,الخ

,

وبنفس الوقت اخاف انصدم من ردها , اخاف تكون قايلة للمدرسات

بنات الله يجزاكم الجنه ساعدوني