مشكلتي مع………….؟

حبيت افتح لكم موضوعي واشكي عما بداخلي

انا فتاه ابلغ من العمر 22

اخواتي كلهم متزوجات وجلست بمفردي مع امي واخواني

تخرجت من الثانوي بمعدل حلو بس هالقدرات اهلكتني مافي فايده منها اختبرت كثير جلست في البيت نفسيتي تعبت مره ومليت من جلسة البيت دخلت تحفيظ تعبت من قراة القرآن ودخلت معهد وبرضو تعبت حييل بس ابكي واتضايق واستغفر ربي واشد على نفسي وربي ماجلست غير اسبووع وخرجت من المعهد امنيتي بس اخرج من البيت بنحاش من جو البيت
بس مشكلتي ماجلس في الشي اللي اتمناه اتضايق اه بس

المشكله مو هنا المشكله انا وامي

امي بعيده عني من صغري ماحس بحضنها وابوي متوفي وانا صغيره دايم انا وياها هواش
وربي مالي غيرها في هالدنيا تحملت خلاص موقادره اتحمل قبل كنت في المدرسه اتسلى بدراستي واخرج كل طاقتي في المدرسه يعني مافكر بالشي هذا صح احس به بس المدرسه تنسيني
وذحين تغير الوضع مانجلس مع بعض ونسولف الا بالنادر اذا توجعت من شي خلاص قومي خلي اخوك ياخذك(( طيب يومه ليه ماتروحين معاي حتى لو كبرت انا محتاجه لك وربي مالي غنى عنك)) اذا ابغى فلوس مليون سؤال تسئلني ليش هالفلوس البنت تحتاج لمصروف يمين بالله اشحن جوالي بعشره اذا خلصت واطلب وين راحت العشره انتي بس تلعبين وياكثر كلامك بالجوال طيب وين اروح اكلم زميلتي تفشلت من كثر ماتدق وارسل كولمي عليها ودي اتجرى واقول هاتي فلوسي حقت الضمان بس اعرف راح تزعل وتحس بخاطرها وربي اذا شفتها تبكي من شي اجلس ابكي بدون ماعرف ليه تبكي لاني اذا سئلتها ماراح تخبرني
والله يابنات يالله يالله وافقت اشتري لابتوب بعد ماجفت دموعي من البكاء
وابغى بلاك بيري رافضه واخواتي معها يشيشونها علي
بنات عمي وبنات خيلاني وخالاتي حتى زميلاتي كلهم معهم الا انا ودايم يتجمعون ويطقطقون وانا كاني خبله بينهم مدري وش السسالفه اطفش وارجع بيتنا ماستفيد شي من الجمعه

والله والله تعبت من تصرفات امي لي اذا خرجنا نتمشى بنت عيب طرحتك نقابك عيونك غطيها وربي الشاهد الله علي مره رحنا نتمشى وفيه شاب يمشي يمين بالله كنت متغطيه عيوني ولا انتبهت له بس هي لفتت نظري جلست تناظر فيه وفيني تشوف هو يناظرني يقز عنونه فيني يارجعت للسياره وجلست ابكي لين ماخرجت اللي في خاطري شافتني زوجة اخوي قالت وش فيك قلت لابس بطني يوجعني وحتى النت تقول وش تسوين فيه الله يكفيني شرك طيب مافي ثقه لهدرجه مو بنتك ياميمه ليه تسوين فيني كذا …. واخوي بعد كرهني في شي اسمه خرجات وتقول لاخواني اختكم لاتروح لاتخرج بروحها لاتجلس في البيت اذا خرجت امي تقفل البوابه بالقفل عشان مايجيني احد طيب ((تخافين علي وينك مارحتي معي للمستشفى يوم اتعب)) ايام تجي تسكت عني وايام تتكلم لين ماتنام مشكلتي انا الصغيره بس هي تفضل اختي اللي اكبر مني بكثير يالله لو ماتسمع صوتها كل يوم وتدق عليها وتكلم عيالها
تجلس تصارخ علينا دقو على اختكم عشان هي ماتعرف تكتب وتقرا احنا اللي ندق لاختي وتكلمها انا خايفه على نفسي من كثر ماكتم همي وضيقي لانحرف اعوذبالله محتااااااااااااااااااااااااااااااااااااااااااااااا ااااااااجه حنااااااااااااااااااااااااااااااااان متااااااااااااااااااااجه احد يضمني اه ياميمه

يارب تهديها وتصلح بالها وتطول في عمرها
اسئلكم بالله بدون تجريح ابي منكم الحل وانكم تدعون لها ولي بالزوج الصالح

“اللهم إنى أسألك بأني أشهد أنك أنت الذي لا اله إلا أنت الأحد الصمد الذي لم يلد ولم يولد ولم يكن له كفواً أحد اقض حاجتي آنس وحدتي فرج كربتي اجعل لي رفيقاً صالحاً كي نسبحك كثيراً ونذكرك كثيراً فأنت بي بصيراً.