عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم يافراشات 😎
انا جايه اليوم اطرح لكم مشكلتي بصدق وامانه وذمه ..وضيق واختناق
واتمنى الاقي عندكم قبول لمشكلتي
والاقيكم صدر حنون لي بصدق محتاجه لمن يضمني ويطبطب علي
واتمنى من اي وحدهـ ماعندها اسلوب ..او ماتعرف الا الهواش لاتكتب
لااني وبكل صدق وامانه الي فيني مكفيني
“
الموضوع هو عن امي
علاقتي بأمي
حياتي مع امي
امي التي لا اعلم ان كانت امي بصدق ام لا
فلا احسسسس بأنها تعرف للحب مكاننا في قلبها غير حب نفسها
اعلم ستقولون عقوق .. انما والله العظيم
لو كانت مختلفه عما هي ..لكنت قبلت اقدامها من شده حبي واحترامي للأمهات جميعا
فــــــأنا اعلم ان كلمة الام ليست هينه ..وليست بسيطه
ولاكن ماذا عساي ان اقول ..غير الله يعوضني خير عنما فقدته..
“
“
ابداء قصتي
والدي متوفي منذ كنت في 10 من عمري
والان عمري 22
..
لدي 3 اخوان .. الكبير 26 ,, والاصغر 24 ,, ثم انا 22.. ثم اختي 18 ,, ثم اخي 14
..
امي
وما اداركم من امي
“
“
لما توفى ابوي .. اخوي الصغير الي عمره 14 الحين ودته دار الرعايه كان صغير وقتها عمره 4سنوات
لاانها ماتبغى تربيه ..وهذا اكثر مايؤلمني ويعذبني ابكي بحرقه اخر الليل لما اذكر حال اخوي ..
وصار له عايش بالدار 11 سنه في كل اجازه يجي
ولما يجي تستقبله امي استقبال حافل جدا
كله ضرب واهانات .. اول ماتفتح الباب وتشوفه جاي بشنطته
ياحيوان ليه جيت ياكلب انا مابيك كم مره اقولك
انت حيوان انت غبي .. اجي انا امسكه اضمه وادخله
طبعا الحين كبر يكرهـ امي اشد الكرهـ .. وكلمه يمه تطلع بالاسم بلا احساس..
“
نجي لحياتي انا ..
انا كنت دلوعة بابا الله يرحمه
ولمـــــــــآ توفى اقسم بالله انقلبت حياتي فوق تحت مع اني كنت صغيره يوم يتوفى..
امي تكرهني ما ادري ؟؟ لا اكني متأكده انها ماتحبني
البنات يحتاجون لأمهم كثير لاان الام تعلم بنتها الصح والغلط
وفي امور كثيرهـ حتى بالدين البنت تحتاج تسأل امها لااكن انا علاقتي مع امي شبه مقطوعه مافيه تواصل
في نفس البيت عايشين لااكن انا فوق وهي تحت
ولو قعدنا بمكان واحد ورب البيت مانحكي ابد
مافيه سواليف زي االامهات وبناتهم.. مافيه اي طريقه للتواصل لانها بطبعها عصبيه جدا
دايما تدعي علي (جعلك السرطان_جعلك الشلل_الله لايفقك_جعلي اشوفك في الشارع تطرين = ) اقسسسسم بالله ورب العبه هذا كلامها
ليه ؟؟
لو مشت ولقت منديل طايح والا عود تقعد تدعي ليل ونهار علي
لااني الكبيره والي المفروض اشيل البيت
المشكله انها ماعلمت اخواني النضافه
قسسسسسسم بالله مع انهم كبار الا انهم يفصخون ملابسهم ويرمونها بالارض ويالله ياحيوانه تعالي شيلي
يقوموني من نومي ياحيوانه كله نايمه قومي حطي اكل
تعاملهم تعامل حيوانات .. اقسم بالله حتى الحيوانات مايعاملونها كذا..
امي تطبعا تزوجت مسيار قبل سنه ..
اخذت ورثنا من ابوي الله يرحمه ولعبت فيه على زوجها
تعطيه يسوي ويفعل ويشيل ويحط
اخواني الشباب خذو ورثهم بقى انا واختي واخوي الصغير
ورثنا راااح.. وراتب التأمينات حق ابوي ماناخذ منه ولا ريال
اقسسسسسسسم بالله اننـــى حتى ملابسنا الداخليه وانتو بكرامه مشققه ماحد يعطينا نشتري ..
وامي حتى من شدة انانيتها مافكرت فينا بشي
ماتقول بناتي هذولا بنات مين بيعطيهم
اذا انا ما حضنتهم مين بيحضنهم
اذا انا ماوقفت معهم مين بيوقف معهم
اذا انا مأمنت مستقبلهم مين بيأمن مستقبلهم
ماتقول حتى بناتي اشيك عليهم
اقسسسسسسسسم بالله لو انام برى البيت مادرت عني
بس الحمد الله رب العالمين العفه منحني اياها ربي ماتعلمتها من احد
وربي اشوف الغلط وابعد عنه ..اقول ربي فوقي ,,ربي بيعاقبني ,,
بس الانسان له طاقه يحتاج الي يوقف معه
امي مره موب حولنا ابد
قسسسسسم بالله حتى البيت فاضي مايشترون له اغراض
مع ان اخواني يشتغلون بس خذو الانانيه منها سبحان الله طبع تطبعو به
يعني اي بنت بمكاني او بمكان اختي المراهقه تضيع
اختي طحت عليها قبل فتره تكلم واحد يوم اني قلت لها ليه يا اختي ليه
انتي عارفه هالشي حرام .. وربي مايسامح فيه
ليه ترخصين نفسك
قالت اذا امي واخواني مرخصينا .. وكل واحد فيهم لاهي بنفسه ومايدري عننا
ودام امي عايشه وولا كأنها عايشه
لاحنان ولا امان وولا عمرها حضنتنا ..
انا محتاجه احد يحسسني بوجودي
يحسسني اني انسانه عايشه بهالوجود
يحسسني اني محبوبه موب حيوان عايش على هالارض وبس
خنقتني العبره من كلامها حاولت معها بس ماقدرت
لااني عارفه السبب الاول والاخير هو الفراغ في كل شي
“
المشكله انهم حتى ما أمنو على حياتنا
كل يوم والثاني تقول انا بطلع مع زوجي وبخليكم ياحمير اقعدو هنا
اخدمو اخوانكم انتو اصلا خدم وماحد بيتنزل ياخذكم..
واخوي الكبير طبعا ماهو متزوج بس عايش لنفسه وبس
ياكل برى البيت .. ويجي يتغدا ويتعشى برى ويجي ينام
“
اخوي الثاني نفس الحاله
“
ماضاع الا احنا البنات في كل هذي الانانيه
حتى ريال اخر الشهر مايعطونا نحتاج ناكل مانلاقي
نحتاج اي شي ومانلاقي
حتى رابت ابوي الله يرحمه ماناخذ منه شي
امي,, تصرفه على زوجها غدى وعشاء وفطور وطلعات حتى الشقه هي تستاجرها اذا بغوو يقعدون لحالهم ..
مدري وش اقول كلامي موب مرتب من القهر الصراحه
انا ابي منكم نصيحه اي شي اقدر اسويه
اي شي
انا فكرت اني ادق على حقوق الانسان بس خايفه ومترددهـ
بسسسسسسسس هالحال ماينسكت عنه
انا تعبت ضيعتناااااااااااا
ضيعتنااااااااااااااااااااااااا ا
ضيعتناااااااااااااااااااااااا
اخواني كان بأمكانها تعلمهم كيف يكونون متعاونين معنا
كان بأمكانها اشياء كثير
اخوي الصغير المسكين وش ذنبه يعيش بهالحال وهو عنده اخوان واهل
“
“
مرهـ كنت نازله الفجر ابي اشرب مويه واسمع امي تحكي مع خالتي
تقصدني
تقول اني غيرانه منها عشانها تزوجت وانا لا
وغيرانه لاانها ماخذه واحد صغير وحلو وانا لا
(مدري وش هالتفكير استغفرالله فيه بنت تغار من امها)
انا والله اني لا غرت وولا شي بس ليه تاخذ ورثنا وتصرفه على زوجها
احنا مين يقوم فينا بعدين
مين لنا
اذا اخواني هذي طريقتهم ياكلون برى عشان مانقولهم جوعانين
وعشان مايعطونا …
هذولا بينفعوني بعدين .؟ بينفعون اختي بعدين ؟
يعني اقل شي يرميني بالشارع زي الكلبه اشحذ وهو يشوف وبيصد ويخليني
وش اسوي علموني
“
الله يخليكم
“
عطوني حل ..
الله يخليكم
,,
انتظر
وباقي كثير ماكتب موب بس هذي المشكله
فيه اكثر واكثر وماخفي اعضم
بسسسسسسسس انا قلت اقول السطحيات
والاعمق اخليه لنفسي ..
اخليها بالقلب تجرح وولا تطلع وتفضح
والله خانقتني العبره ..ودي ابكي
ترا قصتي قد كتبتها في منتدى حواء والله العضيم مالقيت منهم الا الاهانات
وحطولي باند وطردوني وجيت من بعد الله لكم..
وعندي كل الادله والاثباتات على قصتي..
حسبي الله ونعم الوكيل بس
