مشكلتي اهل زوجي ما يحبوني

مرحبا بنات كيفكم يا ريت الاقي عندكم حل لمشكلتي الي احسها تأزمني نفسيا

انا وحدة الحمد لله ما بيني وبين زوجي الا كل حب واحترام ومودة .. وانا من النوع الي ما احب ابين للناس هالشي يعني بعض الحريم تلزق في زوجها وتبين انهم يحبون بعض قدام اهله ➡ مدري ليه

انا لا ما احب ابدا خاصة قدام اهله حتى ما يغارون مني او اسبب مشاكل

يوم تزوجت كنت مرة مبسوطة لان زوجي عنده 3 اخوات اعمارهم قريبة مني وامه عمتي وهي عسل مرة وحبوبة وتحب ابوي اخوها الكبير

المشكلة يوم تزوجت انصدمت بحركات البنات يعني مثلا انا جالسة معهم يقومون يروحون غرفة ثانية يسولفون وانا اقول يمكن صدفة بعد الولادة دايما يقولون قدام الناس اني سامنة ويقولون لاا تاكلين وين بتوصلين وانا ما سمنت مرة يا بنات بس هم يحبون يجرحوني لان لما سمنت اختهم يقولون جسمك واو صار مع انها صارت اسمن مني 😛

انا ما همني بس ليه يحرجوني قدام الناس والدق في الكلام صار اكثر ولما اروح لهم مايتكلمون وكم مرة اشوفهم يسولفون عني في جوالات عماتي بالواتس اب مرة يقولون اني قويه ومرة يقولون اني احرش زوجي عليهم ومرة يقولون اني امنعه انه يزور اهله 🙁

مرة اخته الكبيرة قالت لي قولي لاخويي يكلم ابوي وكان فيه مشكلة بينهم وتقولي قدام خالتي هالكلام وتقول ترى بتشوفينها في ولدك كاني اناالي مانعته يكلم ابوه وانا وربي كل يوم احاول اكلمه بالطيب واقوله هذا ابوك وكل الاباء يهاوشونعيالهم من خوفهم عليهم بس ما اقولهم هالكلام
قهرتني يوم قالت لي وما ابغى تصير لي مشاكل معهم قالت لها مالي شغل بينكم اخوك عندك وكلميه

والله يا بنات انا الي اقوله يعطيهم ويجيب لهم هدايا والا زوجي مافي باله ولا عمري رحت لهم الا محمله هدايا لهم لاني احبهم وما القى منهم الا السب يحرشون بعض علي

حاخر اجازة رحت لهم تسهر البنت الصغير (الوحيدة الي مو متزوجة) مع امها في الغرفة وانا في الصالة جالسة لحالي 😛 انقهر انهمما يحبوني وما يعاملوني زين غير انهم يحشون فيني وانا وربيما عمري اذيتهم

المشكلة يبغوني اروح لهم ولا يبغوني اروح لاهلي ابد كل ما رحت لاهلي يسوون لي سالفة هم البنات بس الله يهديهم عمتي طيبة وربي بس هم يحرشونها حتى كم مرة شفت محادثاتهم معها يتكلمون فيني

الله يهديهم ويسخرهم لي ويحنن قلوبهم علي وعلى ولدي احسهم ما يحبونه وانا احزن عليه لان ماعنده خالات انا وحيدة امي