عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مشكلتي اني اتسمع لكلام الناس <<حساسه جداً:062:
السلام عليكم
فراشاتي العزيزات
حبيت اطرح عليكم مشكلتي لعلي اجد حلاً لديكم
ترددت كثييييييير على مااكتب لكن اليوم تكررت لي نفس المشكله اللي اعاني منها كثيييييير وقلت ماالي الا الفراشات ويارب انكم تساااعدوني ولو بنصيحه
اولاً احب اعرفكم على نفسي
انا بنت غير متزوجه وادرس احب امي وابوي كثير وماعندي مشاكل معهم ابد
وحتى جداتي واعمامي واهل امي وابوي كثير علاقتي زينه معهم الا مع وحده حاقده علي وتبغى تدمرني
مشكلتها تحب النفاق ونقلت الكلام هذه قالت وهذه سوت حتى بين اهلها ماسلموا من شرها حسبي الله عليها ونعم الوكيل وهي مرت عمي
مشكلتي انا “
انا حساسة كثير واتأثر من أي كلمة تنقال عني يعني كما يقولون اتسمع لكلام الناس واسييييييل في خاطرررررري والله مو بيدي غصب عني ماادري ايش اسوي احاول اكابر واعدل من نفسي لكن مافيه فايده حت اثر هذا الوضع على علاقتي مع امي وابوي الله يحفظهم لي ولا يحرمني منهم
لأني كل ماسمعت احد تكلم عني على طول رحت اقول لأبوي وامي ينتقم لي منهم لكن هم يقولون لي خليك صبوره واسمعي وارمي
لكن اناااااا مااااااااااااااااقدر <<<<ياللأسف
والمشكلة هذه ملازمتني من فتره طويله واليوم خاصة واللي خلاني اكتب ان المشكلة تطورت ووصلت لحد امي وجدتي وانا والله مااحب احد متكدر او زعلان مني بس وش اسوي غصب عني
المشكله اللي حصلت لي اليوم :::هي
انا عندي اخت تدرس مع بنت عمي اللي هي بنتمرت عمي اللي اتكلمت لكم عنها في البدايه اللي منافقه وتحب تنقل الكلام
وياللأسف اكتشفت ان بنت عمي اللي كنت اعزها واحترمها واعتبرها مثل اختي طلعت مثل امها حاقده علينا وتحب النفاق
تخيلوا وش قالت لأختي
قالت لها ان جدتي والدة ابوي قالت عني وعن اخواتي انتم يابنااات ///فلان//مافيكم فايده<<<تقصدني انا واخواتي
تدرون ليش قالت هالكلام لأنها تقول اننا مانفهم في السنع والبيت وشغله
تدرووون ليش قالت كذا ؟ وش ذنبنا؟ لأننا كنا عايشين بعيد عنهم في مدينه وهم عايشين في قريه ويفكرون بنات المدينه مافيهم فايده؟
قالت لها اختي ومن اللي قال لك:
قالت : جدتي
وتروا اللي ناقل الكلام هي مرت عمي اللي اقولكم عنها
تخيلوا وتطلع عنا سمعة سيئة جدا بين الناس حسبي الله عليها ونعم الوكيل وين ماراحت
تدرون وش اللي قاهرني الحين : اني احسها صادقة وان جدتي ممكن انها قالت هذا الكلام مع اني اعزها واحترمهاواحبهاوالله بس الحين اخذت منها موقف والسبب مرت عمممممممممممممي/
تخيلوا رحت لأمي وابوي وانا ابكي وقلت لأبوي بالله عليك وش رأيك بهالكلام لازم نواجه عمتي ولا جدتي
قال لي ابوي اصبري وطبعا زعل لأني بنته وزعل لأن الكلام من وحده تحب تخرب بيوت الناس حسبي الله عليها ونعم الوكيل وتبغى تكرهنا في جدتي
وقعدت ابكييييييييييييييييييي وانقهرررررررررت وقلت لازم اخلي اختي تقطع علاقتها مع بنت عمي بنت المنافقه اللي قلت لكم عنها حسبي الله ونعم الوكيل
الله ينتقم لي منها
المطلوب منكم حبيباتي
تنصحوني؟
ترشدوني؟
توجهوني ؟
قولوا لي كيف اتصرف مع جدتي ؟
هل اصدق ماقالته عمتي وبنتها عن جدتي؟
قولوا لي هل ممكن يكون اللي فيني مرض نفسي ؟
طيب وش ذنبنا انا واخواتي اننا عشنا في مدينه ومتربين عيشه مرتبه؟
وكيف مممكن انظر للناس من حولي ؟
وكيف اتغلب على ضعفي وعلى نياتي الطيبه ؟
كيف اصير قويه واتحمل كلام الناس؟
كيف ممكن اواجه هالأنسانه الحاقده المنافقه ؟
هل اواجهها ولا لأ؟
هل اقاطعها مثلا؟
خاصة انها مرت عمي كيف ممكن اتعامل معها؟
اعطوني رأيكم في مشكلتتي بكل صراحه ؟
اعطوني الحلول الافيد ؟
كيف اقدر اتغلب على مشكلتي بشكل عاااااام وللأبد؟
واللي مثلي ومرت بتجربه شبيه من تجربتي وتغلبت عليها تكتبها عشان استفيد وتستفيدوا؟
في الختام
والله اني مااكتبت الا لأني متأكده بأذن الله انكم انتم بعد الله قادرين تغيرونني للأفضل انا محتاجه لله ثم ليكم لا تبخلوا علي بمساعدتهم وارشاداتكم
واحذروووووووووا النفااااااااااااق اللي يدمر ناااااااس وبيوووووووت مطمئنة
والسلام خير ختام
سبحانك اللهم وبحمدك استغفرك واتوب اليك
