مشكلة عندي بخصوص الخطبة والزواج

كيف حالكم يا اعضاء أحلى منتدى

أنا عندي مشكلة ومعقدتني من زمان , ولا وهي :

أنا عندي 4 عيال عمة ( طبعاً مو اخوان ) , وكل واحد يحبني ويبي يخطبني , وكل واحد مايدري عن الثاني

فلو وافقت على واحد بيقول الثاني ليش توافق عليه وانا احبها وقايل لها اكثر من مره … الخ ( لأنه مايدري ان الثاني يحبني بعد )

ولو اخذت واحد بعيد عنهم ( يعني مهب ضمن الاربعه ) كل واحد بيتضايق وبيقول تركتني وانا احبها وولد عمتها واخذت البعيد

وكل الاربعه يحبوني وميتين فيني , يعني كلهم مأملين بالزواج

فعلشان كذا أنا حبيت اعرض عليكم هالمشكله اللي من سنين وانا متعقدة منها

وهل تأيدون أني آخذ واحد ما أحبه بس علشانه بعيد عني وعن عيال عمتي؟

( تذكروا راح تضيق صدورهم وبنفس الوقت انا ما احبه ) لكن احسها اهون من اني آخذ واحد من الاربعه , حتى لو كنت ما احبه , ولا وش رايكم؟

إن شاء الله فهمتوا علي , وإن شاء الله تلقون لي حل مناسب لي ولعيال عمتي كلهم

ومشكورين مقدماً على المساعدة 😀