مشكلة صديقتي .. الله يوفقك اللي تدخل

اخش بالموضوع على طوول .. هاذا موضوع حق صديقتي واقرب الناس ليا ..

هيا دوبها عروسة لها شهر ونص كانت تحكيني ايام الملكه تقولي زوجي عسل زوجي مرهـ حنون وطيب ويحبني

الموهيم اتزوجت البنت في امان الله ..

هيا طبعن ساكنه في عمارتهم مع اهلو يعني الشقه قدام الشقه ..

ما عدى اسبوع سارت تطبخ وكل شي يوم تطبخ يقولها اطبخي لأهلي هيا مشت الموضوع عادي لأنو اهلو طيبين مررررررا

يوم في يوم البنت تعبت .. تصحى قبل ما يصحى تسويلو فطور تطلعلو ملابس الشغل تجهزلو الحمام تصحيه

وهوا مافيه اي فايدهـ تشتغل وتطبخ تكرف طول اليل والنهار في البيت ولا كلمه حلوه ولا حاه طيبهـ ..

قبل كيدا في ايام الملكه مسكت عليه حاجه انو يكلم وحده ووعدها انو ما يكلمها تاني وراضاها ..

نرجع لكلامنا الاول تقولي ما يقول ولا كلمه حلوهـ ودايمن يقولي انتي ترى مو حلوهـ مع العلم انها ملكة جمال

جسم وبياض وحلاوة وخفيفة دم وهوا سلام قول من رب رحيم .. برضو هيا مقتنعه تقولي الرجال مو بشكلو الرجال بأخلاقو بتعاملو وما يعيبو شي

بس زوجها داا مافي لا اخلاق ولا تعامل ابدااا يوم يدق جوالها لازم تفتح الاسيبيكر لااااااااازم ..

ولازم كل يوم تروح تقعد عند اهلو عجبها ولا ما عجبها بالطقاق وحصلها مشاكل معاه قبل كيدا ما يحتاج اقولها اخاف تنصدمو يا فراشات واللهي .. وسكتت

بس ابغا حل لصديقتي هادا وربي اني اشيل همها ليل ونهار ..