مشكلة شعري المحرجة

كيف حالكم يا فراشات
أحب أكتبلكم النهارده عن مشكلة محرجة جدا جدا عندي من فترة
لكن انا باثق فيكم وفي آرائكم
انا شعري من النوع التقيل والمجعد والمقصف وكل حاجة مش كويسة ممكن تتخيلوها
هتقولولي انه تقيل ودي حاجة كويسة
هاقولكم لأ مش كويسة
لأن بسبب تقل شعري مش باعرف أغسله ولا اشطفه كويس
حتى لما باروح عند أي كوافيرة بالاحظ انها بتتعب جدا لحد ما تعرف تشطف شعري وهي بتبقى شايفة كويس
تخيلوا انا بقى اللي مش شايفة شعري من ورا!!
فالنتيجة انه مش بيتشطف كويس بيفضل فيه آثار الشامبو أو البلسم أو الزيت أو أي حاجة أحطها على شعري
وده طبعا سبب مشكلة رهيبة جدا في القشرة اللي مش بتروح باستمرار
علشان كده بطلت أحط عليه أي خلطات أو زيوت
انا مش عايزة خلطات تنعيم ولا فرد ولا أي حاجة مش مهم ينعم
انا بس عايزة تنصحوني ازاي ممكن أغسل شعري كويس علشان على الأقل أعالج مشكلة القشرة والتساقط