مشكلة الفراغ

يابنات هذي مشكلة وحده من البنات وانا نقلتها في منتدانا

قلت يمكن نقدر نساعدها ونلاقي حل لمشكلتها او على الاقل نتوحد وندعي لها

السلام عليكم

انا فتاه ابلغ من العمر 27

وعندي مشاكل قالبه حياتي فوق تحت وماعندي احد اخذ رايه

جيت لكم بعد الله ابي مساعدتكم ومساندتكم

انا درست لي اربع سنوات بالبيت عاطله لاطلعه ولا دخله

اعذروني بطول عليكم بس وربي محتاجه لكم ابي اقولكم قصة حياتي كلها وابي رايكم

امي جابتني وبعدين بدت تاخذ حبوب منع حمل وخربطت فيهم وضيعتهم وحاسة عمرها حوس

المهم ان ابوي مااعجبه الوضع ويبي عيال وتزوج على امي

وهنا بدت مشاكلنا

تزوج وسكنها معنا وجابت له عيال وصارت تقلب راسه علينا وهو مطيع

لدرجة انه معيشها حياة رغد واذا طلبنا منه شي انا وامي عصب علينا وبداء يتذمر

ويحسسنا بإنا عبء عليه

والحين ابوي هاجرنا خير شر الطلعات والدخلات والاسواق والفلوس للزوجه الثانيه

وحنا والله لو نقوله عن اكل يردد دعوته المعتاده اكلتكم الارض ما تشبعون انتم

هذا بالنسبه لابوي

اما امي حدث ولا حرج

امي صارت تكرهني كره العمى تقول لو انك ولد ولو مااكلت الحبوب اللي بسببك كان ابوك ماتزوج ولا صارت هذي حياتي

ودايم تدعي علي

يعني انا بالبيت لا ابو راحمني ولا ام تدعي لي

حتى والله اني احاول قد مااقدر اشتري لها اشياء الاقيها راميتهم بالمستودع

ماتفرح باي شي اجيبه لها ولا تحسسني بحنانها ابد والله اذا شفت بنت تقول الله يخلي لي امي اقول اكيد لاقيه منها حنان

والله والله ياناس احس اني ولا شي

احس اني ضايعه تافهه ودي انتحر والله ودي اموت وادعي على نفسي

ولاتلوموني بتفكيري هذا

ذبحني الفراغ والفراغ العاطفي موب لاقيه حنان ولا امان

بس انا وش اسوي بعمري وين اروح وش اسوي تكفون حطوا انفسكم مكاني ودبروا لي حل الله يسعد ويسخر للي يساعدني الرزق وين مايروح

انا تعبت من الوحده

طلعة صديقات مممنوع وحاولت بابوي اني ادرس دورات وهو رافض

ودورت وظيفه والله لو مستخدمه راضيه اهم شي اشغل وقتي

بس ماحصلت

ومصيبتي الثانيه الاعظم هي

دخلت كم مره موقع دردشه وتعرفت على واحد وصار طيب معي مره مره مره

سمعني كلام حلو بحياتي ماسمعته من اهلي

ومع الوقت اخذ رقمي

وصار هو كل وقتي لدرجة مااقدر انام الا بعد مااسمع صوته

والله اذا مر يوم بدون مااكلمه اكتئب واكره نفسي

صرت زي المدمنه مااقدر اصبر عنه ابد

لحد ماجاء يوم وقال مابي استمر مكالمات ابي نطلع مع بعض ونعيش جونا

ورفضت وبدا يتغير علي

وانا مابي اخسره مااتخيل حياتي بدونه

وين بروح وش اسوي اذا تركني

ارجع لجحيم اهلي هواش ابوي وكره امي

وش اسوي دبروني والله ودي اترك هالشاب اقسم بالله

خصوصا اني عرفت عنه انه يسافر برى ويجتمع مع بنات هناك

تكفون انا اختكم ابي حل لمشاكلي

ساعدوني

وش اسوي مع هالشاب ؟ واذا تركته كيف اعيش ايامي بدونه ؟

وعلى فكره الحين له ايام مايتصل زي اول يعني متغير علي

وابي حل للفراغ اللي ماليئ وقتي ؟

وابي حل مع ابوي وامي ؟ وشلون اكسب رضاههم ودعواتهم وهم يكرهوني ؟

الله يوفقكم واسفه على الاطاله