مشغل مشهور في مكة بس حسافة؟

السلام عليكم ورحمة الله وبركاتة…
صراحة انا انصدمت في مشغل مشهور في مكة..المشغل نظيف من ناحية السمعة ومن ناحية الشغل بس خسارة الحين اشتغلت عندهم عاملة جديدة تقول انها من جدة..والله يابنات جالسة تقنع البنات أن النمص مو حرام وتقول أن الله جميل يحب الجمال..وتقول أن المقصود بالنمص ازالة شعر الحاجب كامل مو ازالتها من الأطراف يعني الأطراف عادي شيليها والله يابنات انصدمت مررة المشكلة البنات متجمعين حولها وهي قاعدة تقنع فيهم ان النمص لتجمل عادي وأن الغرض من تحريمة لأن نساء من زمان كانو ينمصوا حواجبهم علشان يغيروا من أشكالهم علشان كل مرة يروح بشكل غير للمحرمات بس تقول حنا بس ننمص من الأطراف للتجمل وهذا عادي…لا والمصيبة العظمى قاعدة تمدح كوفيرة في جدة تسوي عرائس تقول اسم المشغل ريما بس تخيلوا تقول لازم تنمصون حواجبكم علشان تسويكم عاد أنا هنا ارتفع ظغطي 😡 قلت والي ماتبغى تنمص وحجزت عندها قالت ماتسويها بالمره حتى تنمص قلت واذاكانت مشقرة مايكفيها قالت لا ماتسويها تسلمها لوحدة ثانية..قلت حرام عليك تقولين كذا للبنات وتشجعيهم على النمص قالت أنا ماأشجع احد أنا ابين لهم أن النمص بس الي يشيل شعر الحواجب كاملة.. بالله ايش رأيكم في نشر الفساد ..لا موبس أن المشغل مشهور وبس لا بعد جايت تنشر الفساد في اطهر البقاع مكة ,,حسبنا الله ونعم الوكيل فيهم والله يستر على بنات المسلمين من هذي الأشكال..