عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
مرحبا ياحلوات—–
في البدايه ابغى اوضح لكم موقف صار لي مع مشغل رتوش اللي بالعليا مقابل مدينه الملك فهد الطبيه
والله يشهد علي اني ماراح اظلمهم ولو بكلمه وحدة لاني مسؤوله امام ربي بكل شي
السالفه ومافيها اني قبل 5سنوات فكرت اني افرد شعري بس كنت ابغى شغل مضمون ولقيت اعلان لهم في الجريدة ودقيت عليهم ورحت لهم
وكان شعري تحت كتوفي قالو لي بنسوي لك فرد كريستالي روعه وماراح تعرفين الاستشوار والتقصف ومشاكل الشعر نهائيا—-وقلت بكم راح تسونه قالوب1600 
قلت كثير حاولو تنقصون لي شوي ورفضواوتوكلت على الله وسويته وكانت وحدة مغربيه –وشعري شهر كامل حلووو وبعدة بدات المشاكل شعري موقف وناشف وجاااااااف 🙁 😆 وانواع الترطيب اسوي له وماينفع ….على فكرة باعو علي معه زيت ب300 وبرضوة رفضو ينقصون لي:::وقالو اذا طال نعالي نسوي جذور
ولما طال الشعر طلع شكله شنيع اطرافه واقفه والمنابت غير واضطريت ارجع لهم وسوو لي ب600 وبدون خصم واستمريت معه حوالي 3سنين ونص وكنت اقول وريني المادة اللي تفرديني بها وترفض تقول ممنوع
وبعد كل هالمرات اللي سويت عندهم فيها اكتشفت الصددددددددددددددددددمه
الفرد اللي يستخدمونه هو فرد سوفت اند بيوتفل والموجود في كل الصيدليات ب36 ريال بسسسسسسسس 😆 🙂 😳 😉
بعد ماخسرت معهم الالالالالاف وزود على كذا اخلاقهم الزفت وعلى فكرة فيهم وحدة سعوديه اسمها نوف حسبي الله ونعم الوكيييييل فيهم الله لايوفقهم —وصرت اشتريه من الصيدليه واختي تزينه واحلى من شغلهم بعد———-
بنات انا كتبت تجربتي والله عشانكم ماودي وحدة منكم يصير لها ماصار لي
وقد اعذر من انذر
وتحياتي لكم……………………….
