عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم والله اكتب لكم وفيني قهر ودي ابكي على وجهي اللي راح واحترق
انا سويت عندهم حف وجه شمع ب60 ريال ويوم سوت لي وخلصت حسيت وجهي يحرقني بس قلت حراره الشمع بس هي كانت مستعجله وهي تسويلي عشان الزحمه المهم هي حطت الشمع وهو حار مع اني نبهتها قلت لها لاتحرقيني بشويش قامت تضحك وقول لا مافيه حار
ويوم خلصت ورحت البيت الا وجهي نار يحرقني مررره اليوم الثاني يوم صحيت زوجي انصدم يوم شافني تخيلو وجهي صار مكان الحرق اسود بقع حروق كبيره وشوهت شكلي من عند عيني وفمي وخدي
بالعربي كن الفرن بق بوجهي والله ثم والله اني ما اقدر اتوضا يحرقني
حسبي الله عليهم ياخذون فلوس الناس ولافي اهتمام شغلهم بسرعه يبغون يفتكون وبس
واللي ماسكه اداره هالمشغل وحده دبا وبارده بروووود يقهر وهي تشجع هالشي
انا قررت ماعاد اطبه وافضحهم عشان الناس تنتبه منهم ومن تعاملهم وعشان يتادبون ويحترمون الزبون
وبالطقاق في التخفيض اللي يسوونه الفلوس مو مهمه اهم شي لايلعبون فينا ويشوهونا تمنيت اني دفعت 500 ولاكان سوت لي وجهي
ماني قادره اطالع بوجهي بالمرايه وش اسوي ياناااااااس ودي احرق فيهم المشغل
