عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أخواتي العزيزات ..
أنا كان عندي مشروع من فترة وفتحت محل وماشاء الله كان مشروع ناجح ومربح .. بس للأسف قفلته بعد 6 شهور لأنه ملكت وانشغلت وكان اخر ترم لي بالجامعة ومشغولة لحد النخاع وهذا المشروع يبغاله تفرغ كامل
كان مشروعي متعدد الزوايا بس انا رح اذكر لكم اللي يهمنا في هذا الموضوع ..
التصميم والطباعة على عدة اشياء .. تيشيرتات..اكواب..صحون..شنط..خشب…. الخ
وهذي مدونتي عشان تشوفو اعمالي السابقة
المهم نجيكم في الكلام
أبغا أبيع الأجهزة (المكابس الحرارية) مستعملة مو كثير والله لأني زي ماقلت لكم قفلت المحل وبطلت اشتغل عالأجهزة دي
بس الطابعة اللي نطبع فيها عالورق الحراري نص عمر مو مرة كويسة لكني رح اعطيها هدية للي تشتري المكابس تمشي حالها بالطابعة دي الين تروح تشتري جديدة من مركز الباروم
بس الاحبار عندي جديدة 4 ألوان ( أسود-احمر-اصفر-ازرق ) كل لون لتر يعني لك وللزمن
وعندي سيستم طابعة جديد يبغاله رقم طابعة معين من ابسون لكن مارح ابيعه الين تاخذي الطابعة اللي تلقيها في الباروم واذا السيستم نفس الرقم خذيه مني ارخص .. جديييييد من شركة ابسون
وعاد عندي كم كوب وسيراميك معالج قابل للطباعة رح ابيعه بالحبة ارخص من برة طبعاً
بالاضافة لورق الطباعة الحراري هدية من عندي للي تاخذ الاغراض .. وعندي كمان خشب وماادري ايش كمان نسيت هههه
طبعاً الاشياء في المستودع عند اهلي ومافي حيل اطلع واصور كل شي توني خارجة من نفاس عملية قيصرية وتعبانة .. بس اضمن لكم انها اخت الجديدة كأني دوبي اشتريتها والجادة تجي تشوفها بنفسها
المهم جبت صور من النت تشبه الأجهزة والاغراض اللي عندي وحاكتب الأسعار
مكبس حراري للمسطحات 40×40 سم (تيشيرتات-خشب-شنط-مخدات … الخ)
سعر الشراء/ 2000 ريال طبعاً هذي التكلفة مع شحنها من برة طلبتها
السعر المطلوب/1000 ريال
سعر الشراء/ 2000 ريال طبعاً هذي التكلفة مع شحنها من برة طلبتها
السعر المطلوب/1000 ريال
مكبس الاكواب
سعر الشراء/1800 ريال
السعر المطلوب/900 ريال
سعر الشراء/1800 ريال
السعر المطلوب/900 ريال
مكبس الصحون والمسطحات الصغيرة
سعر الشراء/1800 ريال
السعر المطلوب/900 ريال
سعر الشراء/1800 ريال
السعر المطلوب/900 ريال
السيستم اللي اتكلمت عنه لشركة ابسون وبصراحة مو فاكر 5 او 6 مداخل لانه بالمستودع بس تراه جديد بكرتونه
سعر الشراء/ 700 ريال
السعر المطلوب/ 500 ريال
سعر الشراء/ 700 ريال
السعر المطلوب/ 500 ريال
أحبار 4 ألوان كل لون لتر .. طبعاً هذي الاحبار الحرارية غالية ولو تروحو مركز الباروم بتلاقو 100 مل بـ 100 ريال يعني اللتر بـ 1000 ريال
بس أنا رح ابيع اللتر بـ 700 ريال والله جديدة ولا فتحت القوارير هي مثل قوارير الموية الكبيرة زي دي الصورة
والاكواب المعالجة الخاصة بالطباعة الواحد اشتريته ب 7 ريال وابيعه ب 5 ريال
والسيراميك 10 × 10 اشتريته الواحد بـ 8 ريال وابيعه بـ 5 برضه
غير الاشياء اللي قلت انها هدايا وافتحو الموقع شوفو شغلي عشان تعرفو استخدامات الاجهزة دي بس طبعاً اللي تاخذه لازم تكون تعرف للفوتوشوب لانه يعتمد على التصميم
وتكون من جدة عشان التوصيل يكون سهل
وطبعاً رح اقولكم من وين تاخذو الاشياء اللي تطبعو عليها زي الاكواب والصحون والسيراميك والمعدن المتعالج وكل شي
وبانتظار ردودكم
