عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام فراشات
يا بنياتي أنا ماهرة في صنع الكشري والقدو قادو
كل من ذاقهم يسألني دغرررري كيف عملته
وعشان كده قلت حأبدي شغلي من هنا
وصحن الكشري إللي ينباع في السوق بعشرة أنا حأبيعه بخمسة ريال فقط
وشغلي نظيف جدا ومرتب للغاية ولله الحمد
طبعا أنا من جدة عجوز البحر الأحمر
ولو لقيت الشغلة ماشية حأبدأ أتوسع في عمل الورق العنب (3بريال)
ومفرزنات السمبوسك بجميع أنواعها (3بريال)
ها أيش رأيكم في الشغلة
أبغى مقترحات لها وأيش يحتاج لها
وهل تظنوا سوقهم ماشي
علما إنه في توصيل داخل جدة وسعر التوصيل حسب الحي
أفيدوني ربي يخليكم والله مللت وأنا أبحثلي عن عمل
دعواتكم لأني كنت حأداوم في عمل لكن طلع مدير الشركة رجال فسحبت منها
الله يعوضني خير
