عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كل يوم بنزل حلقة جديدة وإن شاء الله نشوف التفاعل….
هذا المسلسل للشاعر البحريني المعروف نادر التتان….
كاظم حزيـــن ومستمل ما عنده شغله !
في الحجرة قاعد ?كنه فاقد أمه واهله
قال ادخل الشات شوي اتهنى واتسله
يمكن احصل رزقي والقى ابنية سهله
دش وكتب نك نيمه ( فارس قلبه تعبان )
واختـار صورة وحطها _ عن يــازعم فنان
يتوهم انــــه صاحـــــــب الصورة وفرحان
ويتخيـــــل انــــه اجمـــل وأحلى لصبيان
ضل يفتــــر الرومــــــات قاعه ورى قاعه
?كنه سفيـــــنة مضيِّعة وطايـــــــر اشراعه
لصبي معزم على شي والخجل بــــاعه
الساتر الله من افكـــــاره في هالساعه
ما شــــاف قـــــــاعة تعجبه كلهم مملين
( قاعة المحبوبين ) ( قـــــــاعة المُحبين )
كل نوع موجود ومهو عــــارف يضل وين !
استغفر الله ناقص ( قـــــــاعة المُصلِّين )
خبرك بعد والشـــــات كله هرار في هرار
ماتدري نـــــاس اصغــــار لو شيَّاب واكبار !
وماتدري نفيه لو ضكر غشَّـــاش وعيَّـــــار
الكل مزيف في الأسامي وفي الأعمـــار
كاظم على الأسمــــــاء ضل يتفحص يشوف
شوق البراري_ رشا_ وردة _ حايرة _ نوف
ريم الفلا _غزلان _ نانسي عجرم _ اطيوف
اسمـــــــــاء حلــــــوة والصور خلتـــه ملهوف
الى اللقاء في الحلقة القادمة
