عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات انا قد كتبت عن صديقتي انها ولدت بس تعبانه وطلبت منكم تدعون لها الله يقبل دعاكم
بس يابنات انا كتبت اليوم ابيكم تحمدون الله على نعمة الصحه والعافيه
رحت لها مسكينه ازورها ومره تاثرت من منضرها
وكيف كانت تتمنى انها تولد البنت الي طالما كانت تنتضر قدومها بفارغ الصبر لانها انجبت ثلاث اولاد وتتمنى انها تجيب بنت والحمد لله على كل حال
وكانت مرررره فرحانه بان الي في بطنها بنت ومتلهفه لها مسكينه مره
بس مسكينه لم تكتمل فرحتها
حست بطلق وانتم عارفين الوحده كيف تحس بالفرحه ان الله بيفرج لها وانها بتتعب بس فنهايه بتفرح اذا شافت طفلها في احضانها وضمته وباسته
وبعد ماحست بالم الولاده ذهبت للمستشفى وحسبي الله عليهم حطو لها طلق صناعي عشانها تاخرت ماولدت واهي المسكينه فيها ضغط
ولاتحملت المسكينه طلعت البنت وسمعت الام اول بكى لها سمعت بكى البنت الي طالما انتضرتها سمعت بكى البنت الي طال انتضارها
ولاكن لم تراها
فجاه توقف قلب المسكينه ولم تكتمل فرحتها
سوولها انعاش للقلب
بس بعد كم دقيقه رجع النبض
بسسسسسسسسسسس
توقف الدماغ
ولم تكتمل فرحتها
ولم تراها
ولم تضمها
ولاتلقمها ثديها
ولم تبوسها
الحمد لله على كل حال اه اه
اهي الحين ماتحس باحد زي الميته يقلبونها وطفلتها مع اختها
بس يابنات وهي منسدحه على السرير
جلست اطالع فيها واتامل منضرها كيف منتفخه
وكيف ماتحس بالي جاء والي راح
وكيف قضت النفاس وهي ماتحس باحد ابد
وكيف انتهى نفاسها وهي ماتدري عن نفسها وبنتها
يابنات اللي تولد وتطلع من النفاس وتروح لبيتها بصحتها ومع طفلها وبعافيتها
بنات تكفوووووون اترجاكم تحمد الله على هذي النعمه
عشان مايحس بقيمة هذي النعمه الا الى انحرم منهى
انا ادري انه قضاء وقدر وان الله كتب لها هذا الشي بس
ليش اذا الوحده طلعت من النفاس او المستشفى بعد الولاده ماتكثر الاستغفار والتحميد
والصدقه
وتقول الحمد لله اني طلعت بسلامه معافه بصحتي واحس بنفسي وطفلي وزوجي
صح انا نفرح بسلامه ونتحمد ربي بس فتره وننسى لا يابنات المفروض دايم نحمد الله
مهما كناء نحس بامراض
برضه احناء احسسن من الي مايحسون وعلى السرير الابيض والممرضات يقلبونهم مايحسون
بنات تكفون صديقتي في امس الحاجه الى دعايكم
تكفون ادعولها ان الله يعافيها ويمن عليها بصحه والعافيه ويخليها لعيالها ويقر الله عينيها بروية صغيرتها اللهم اشفها وعافها وارفع عنها كل مكروه اللهم ارحم ضعفها اللهم ارحم ضعف صغيرتها فهي بحاجة امها اللهم البسها ثوب الصحه والعافيه
اللهم افرحها بروية طفلتها التي تجاوزت الاربعين يوم ولم تراها
اللهم امين
