عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
انا كنت اراجع من الشهر التاني عند دكتوره ريم في مستشفي خالد ادريس
وحسيتها مره كويسه وارتحت لها وقررت اولد فيها
لكن جاني ولاده مبكره في الشهر السابع
ورحت لهم الممرضات مررره تعاملهم زفت قالو لي فسخي عبايتك وادخلي الغرفه كنت بشيل الجوال لو اتصل زوجي قامو يقولو خليه محد بياخذو مافي احد ويضحكو عليا
ولمن جات تقيس الرحم عورتني بقووه اقولها عورتيني
قامت تخاصمني ولا احد يدخل معايا
بعدين قالو مافي جهاز للطفل للسابع ورحت الجدعاني اللي في الصفا
ومرررررره تعاملهم عسل والممرضات كل وحده احسن من التانيه
وتنومت هناك كل شويه يجوك وبمجرد ماتدقي عليهم عندك علي طول
لكني ما اعرف كيف الدكتورات فيها
بما اني بكريه ابغي اولد في مستشفي كويسه وولادتها حلوه واهم شي الخياطه ماتعور ولا احس فيها
وممكن ماما تدخل معايا
فايش احسن شي في الولاده
الجدعاني اللي بالصفا ولا خالد ادريس ومين جربت ريم في الولاده؟
او مستشفي الزهراء انا ماقد رحت لها بس خالتي ولدت فيها وتمدحها وكانت ولادها قيصري
لانو تامينات زوجي فيها دي المستشفيات وكمان تانيه بس حسيت دي احسن شي
والله يسعد كل وحده مرت ورفعت الموضوع
و يسهل لها ولادتها ويرزقها جنينا مكتملا معافي
