:: ][مستشفى أحد بالمدينة … ياريت الي جربتها تفيدنا بتجربتها ][ ::

انا ولدت ولادتي الاولى قبل سنة ونص بمستشفى احد وحكايتي طوييييييييييلة عريضة

المختصر كان عندي مشكلة في الغشاء ( غشاء البكارة ) غير انه كان عندي مشكلة التشنج المهبلي

ونقص ماء الجنين في الشهر الثامن وبداية طلق يعني ولادة مبكرة

حاولو فيا 3 ايام طبيعي وطلق صناعي والرحم موراضي يفتح

وبالاخير عملية قيصرية

وبعد العملية سخونة شديدة والطفل في الحضانة

الحمدلله عدت على خير

بس انا المشكلة اتعقدت وكرهت الولادة كلها

وسبحان الله ربي اراد وحملت الان وزوجي يبغى نفس المستشفى وانا بصراحة احسها الافضل بس ابغى عملية ان شاء الله لاسباب كثير ومن الي شفته بالطبيعي والي عانيته بعدها من بواسير

غير انه الطبيعي ممكن تحصل فيه مضاعفات والخياطة و التوسع بعدين في المهبل

يعني احس العملية افضل لي والبطن وانشقت خلاص

ياريت تفيدوني الي مجربين مستشفى احد ومجربين غيرها

ابغى اعرف هل العيب كان من المستشفى ؟ ولا سبحان الله ولادتي كانت متعقدة ؟

هل الخوق وقت الطلق وبكشك الولادة الي حسيته طبيعي ؟ والوحدة تحسه بكل المستشفيات ولا بأحد بزيادة ؟

انا شخصيا الي لاحظته من عيوب :
1 – سوء تعامل بعض الممرضات وخصوصا السيرلانكيات
2 – يرمو الوحدة بالطلق ولا يخلو احد من اهلها معاها الين يحسو صوتها صار مرة عالي واستوت على قولتهم وقتها بروحو يجرو كنها بتموت وبينقذوها
3 – الكمامة الي تخفف الالم مايعطوها الا وقت خروج الراس وبعده او للبعض ( الظاهر بالواسطة )
4 – سمعت انه كرسيهم جدا مؤلم والوحدة تفضل شهور بعدها تشتكي من رجولها بسببه
5 – وانا بكشك الولادة سمعت الصراخ يكون مو طبيعي وقت الخياطة بعد الولادة ووقت خروج المشيمة .

هاذي الاسباب الي مخليتني اتردد في المستشفى وفي الولادة الطبيعية

ياريت تفيدوني هل هي لكل المستفيات والالم واحد ولا هالعيوب خاصة بهالمستشفى ؟

وبالنسبة للغرف الخاصة بالمستشفى ايش مميزاتها ؟ وبكم الليلة ؟

ياريت الي تعرف اي معلومة ماتبخل عليا فيها

سامحوني طولت عليكم بس اتعبني التفكير

ادعولي الله يختار لي الي فيه الخير