مستخدمات الريكوتان تعالو هنا نتجمع

كيفكم ي فراشات
عسى ربي يسعد ايامكم

من امس ي بنات بديت في حبوب الريكوتان
طبعا بعد تحاليل ومراجعات
انا اراجع في مستشفى الملك فهد بجده
الدكتوره اسمها ميسره مره طيبه وقبل الدواء تقلك عليكي بالرقيه والتحصين
انا حيل ارتحت لها
وبصراحه صرفت على وجهي كثيييير ولان عندي شوي حفر وندبات مكان الحبوب
حتى الفراكسل ليزر سويته
بس اش الفايده اسوي وترجع تطلع الحبوب وتسيب اثر 😀
يعني جالسه ادور في دايره مغلقه ما منها خروج
جربت طبعا الاشياء الطبيعيه اي شي تتخيلونه من مويه ورد عسل مره ترمس
جزر كزبره كبسه دجاج شوايه ومع الخيل ي شقرا ههههههههههه;)
واي ادويه تتخيلوها من هنا ومن دكاتره مصر ومن دكاترة سوريا خلاص مابقي شي
اخر شي الدكتور قال لي في مصر مالك غير الريكوتان طبعا كانت دكتوره في سوريا قالت نفس الشي
بس ماصدقتها والي في مصر زوجي يعرفه شخصيا كانو يدرسو سوا بس زوجي طب اسنان
قال له مالها غير هالدواء
انا كنت متخوفه منها قال بعطيك شي هذا اخر شي قبل الريكوتان
بس بعدها لاتجيني لو منتي مقتنعه بالريكوتان لان ماعاد في شي اجربه معاج
الحبوب كان اسمها دلاسين وعطاني معاها كريمات وكان الكورس 3 شهور
ما استفدت منها ولا حتى بشيل حبه وحده ولا شي
المهم
زوجي مل من روحه دكاترة الجلديه مافي عياده جلديه بجده ماجيتها:D
اخر شي اخت زوجي قالت لي توكلي على الله وخذيها مالك غيرها
اخت زوجي دكتوره في الملك فهد ونصحتني بالدكتوره ميسره وفعلا من احسن مايكون
رحت اول شي وشافت وجهي وقالت مالك غير الريكوتان
كتبت لي على التحاليل
جيت سويتها ولازم اكون صايمه 14 ساعه
طلعت التحاليل وحولوها لعيادتها
رحت وصرفت لي الريكوتان وموعد تحاليل بعد شهر ونص
طبعا انا حاطه لولب وقالت احسن سوي مانع حمل ثاني حبوب او اي شي وحولتني لدكتورة نساء
لان هالحبوب تشوه الجنين وغيرها كثير من الاعراض الجانبيه اهمها تلف الكبد
اهم شي ي بنات قبل لاناخذ الحبه نقول ( بسم الله الذي لايضر مع اسمه شئ في الارض ولا في السماء وهو السميع العليم ) قولوها 3 مرات وقولو ( بسم الله الشافي المعافي )3 مرات
حذرتني من لبس العدسات لان العين تجف والعدسات ممكن تسبب قرحه بالقرنيه
والاكل المقلي ممنوع
ولازم سوائل فوق ما تتخيلين لازم تشربين مااااااااي وااااااجد ولا رحنا فيها
امس بديت الحمد لله وصرت اشرب ماي كثير والقاروره جنبي كل شوي املاها واجي اشرب
وطبعا حتروحي الحمام كثير وانتي بكرامه بسبب الماي
طبعا انا في البدايه لسه ما صار لي الجفاف ياريت الي عندها خبره او لها فتره تنضم لنا عشان تفيدنا
ايش انواع الكريمات والقطره حقت العين والي تستخدمه للشفايف
وايش الاعراض الثانيه مثل النفسيه او العضام اي شي تحس فيه
ارجو التفاعل بليز لان الحبوب هذي يبيلها اصرار واعرف كثير ما كملو فيها للخوف منها
واعرف كثييييييير وجوهم صارت مرايه ويشوفوني يقولو ماعندج سالفه اتعبي كم شهر وبعدين انسي شي اسمه حبوب
يلا ي عيوني انتم الي باديه العلاج او خلصت منه تفيدنا
استودعكم الله الذي لاتضيع ودائعه 😛