عالم البنات النسائي كل ما يخص المرأة العربية من ازياء وجمال والحياة الزوجية والمطبخ
شفتك بعد غيبه وحاولة أحاكيك
مهوب من قلبي ولا من جراته
بغيت أقول فلان وأزريت أناديك
وكني سمعت اسمي مع الإلتفاته
فزيت من نومي وأنا أقول لبيك
وآثرك رؤيا..في منامي وجاته !
صفقت كف..وقلت ياحلم يشويك
جددت لي جرح هني في مباته
ياللي شريت البعد..ماغاب طاريك
حتى لو ان البعد ..سوا سوآته
مهوب محزني ..على حاجه فيك
إلا .. إن قلبي شايف بك غناته
كن الطيوف تقول .. وش حال مغليك .؟
وأقول راح .. وما بقى إلا غلاته..
(لو إن ماجاني من الهم ياتيك
كان المصلي ما حفظ وش صلاته )
مريت شارعكم ..وصادفني إخيك
واللي قطع كبدي..حلاتك حلاته
بغيت الخبط من دعاياه ..وأدعيك
وإسمك وقف بين اللسان ولهاته
بغيت أجيب العيدوأقول يرضيك
فاللي وصاتي له وضيع وصاته
البعد شيب خافق ميت فيك
واللي مشى خطوه عثر في عصاته
مشكلتي إن قلبي يحبك ويغليك
ومشكلتك إنك شخص عايش حياته
كثر الجفا نار وحطبها تغليك
خف الحطب ..لاتزيد نار الشماته
إن ما احزنك جرح برجواه يدعيك
ماعاد تفرق..عيشته من مماته
قلبي وعمري ..كلها بين أياديك
العمر فدوه.. لكن القلب ( هاته )
وإن مابغيت ترد قلبي ما اوصيك
(أحسن عزاه ..إللي دريت بوفاته )
بالله وش رآيكــــــــــم ؟؟
