السلام عليكم
كيفك كروشات؟؟
راح ادخل بالموضوع على طول
زي ما انتو عارفين وضع بنتي و انه على قولة الدكاترة املها بالحياة ضعيف بسبب التشوهات اللي فيها
و اتمنى من الله انه يكرمني و يخيب ظنهم و تجيني سليمة معافاة يااارب
بس اللي قاهرني
صارلي اسبوعين تقريبا بالتاسع
و استغفر الله كانهم ربنا حكمو عليها بالموت
و مخليين مواعيدي على كيفهم يعني الدكتورة تقولي تبغي موعدك بعد اسبوعين ثلاثة
اقولها كيف كدا و انا بالتاسع لا ابغى موعدي كل اسبوع زيي زي اي حامل حمل طبيعي
و المصيبة اني لمن اروح لموعدي في المرتين اللي فاتو
بس يشوفو نبضها و يقوموني
يعني ما يشوفو اذا وضعها اتحسن ما يشوفو اذا هي بتكبر و لا لا
والله قلبي حارقني على بنتي بيعاملوها و كانها ميتة
يعني بكل برودة اعصاب هي لسة بتتحرك؟؟
هو لسة في نبض؟؟
يعني ليش مستخسرين فيها الاهتمام اللي بيحصل لغيرها
و زوجي لمن اقوله خليني اروح لدكتورة ثانية بس نتاكد بنتي بتكبر و لا لا
يقولي لا خلاص هانت كلها كم اسبوع و تولدي و تقطعي الشك باليقين
ايوة انا فاهمة الكلام دا
بس حطو نفسكم مكاني الله لا يكتبها عليكم
و الله هتحسو و هتفهمو القهر اللي انا فيه
ليه دا كله؟؟؟ انتو مو ربنا عشان تحكمو عليها
ان عاشت فالحمدلله و ان ماتت ربي اعطى ربي اخد
بس احنا العباد لازم نعمل بالاسباب اما نقعد كدا دي مصيبة
ابغى رايكم من حقي انقهر و لا انا بابالغ؟؟
والله يرضى عليكم و يفرحكم بشوفة اجنتكم سليمين معافين
ادعولي بظهر الغيب ان الله يفرحني بشوفة بنتي سليمة معافاة من غير زيادة و لا نقصان تامة الخلقة و الخلق.. اللهم امييييييييييين