مرت سنه ياكون والقلب دامي

بسم الله الرحمان الرحيم
السلام عليكم ورحمة الله وبركاته
والصلاة والسلام على خاتم الأنبياء والمرسلين نبينا محمد وعلى آله وصحبه أجمعين ومن تبعه بإحسان إلى يوم الدين
أما بعد
مدري وش أقول
لكن كلما ماناظرت يدي رحمت قلبي قلت يالله كيف هالقلب اللي حجمه بكبر يدي متحمل
سبحان من قواه
الكلمات تتبعثر مني يمكن لأن الموضوع بالنسبه لي مؤلم
قبل سنه من الآن بالضبط في تاريخ 12-10-1428 ه الساعه 12 صباحا
توفى الوالد الله يرحمه
والله يابنات إني بموته كأني مثل الغريق ماأحس بشي
ماكنت مصدقه كنت عادي أطالع الناس وأحيان أسولف وأضحك
وأحيان أبكي وأحيان أنام وأحيان كثير أحس إني بالعه شي وساكته
أحس كذب أبوي مات يمكن راح الشغل وبيجي يمكن مسافر ويرجع يمكن ويمكن ويمكن
والله يابنات إني نسفت أيام الكليه كلها تقريبا من خاطري ماعدت أتذكر شي حتى صديقاتي يذكروني ببعض المواقف وأنا ناسيتها لأني ناسفه الكليه من بالي
لأن أيامها تذكرني بأبوي الله يرحمه
بنقاشاتنا وحوارتنا وهواشاتنا عليها لأني كنت أدرس بمنطقه وهلي بمنطقه ثانيه
صرت أتذكر نور أبيض وأمزجه مع ضحكت أبوي الله يرحمه
كل ما شفت شي قلت الله كان أبوي الله يرحمه يحبه
بكيت يابنات من قلبي بس لحالي نادر اللي شافوا دموعي لدرجة إن الناس تفكرني منيب مهتمه بإن أبوي مات
يالله وش هالسااااااااخفه ترى أنا الجاااااااااااااانيه بنظرهم ومادروا عني بإني المقتوله
ذكرياتي مع أبوي الله يرحمه كلها نسفتها وبالعمد نسيتها ماأبي أتذكره وأبكي
والله يابنات أحس إني أحيان جسمي كأنه بيت وداخل البيت ركن مهدود
أحيان أقول بخاطري خذوا الفلوس خذوا الورث خذوا أي شي بس رجعوا لنا أبوي الله يرحمه
كنت أنا بالنسبه لأبوي الله يرحمه العنيــــــــــــــــــــــــــــــــــــــده فكان دايم بهواش معي على الزواج ومالزواج تزوجي لا ماأبي تزوجي بكمل دراستي وكذا
وكان يقول لأمي زوجيها خلينا نفتك منها
فهذاك اليوم كنت خلاص شوي ونتفق مع ناس على الخطبه والزواج وهالكلام ( ملحوظه مالله كتب يتم شي عشان عن الإشاعات)
وحسيت بقلبي غصصصصصصصصصصه وخواتي يقلن لي تذكرين أبوي وش يقول يقول زوجوها وفكونا منها
فكتمت عبرتي ترى أبوي ماراح يكون الولي بالعقد
بكيييييييييييييييييييييييييييييييييييييت بقلبي تمنيت لو إني ماحرمت نفسي ولا حرمت أبوي من إنه يفرحه بي على حياته
لكن الله سبحانه أرحم بنا من أنفسنا
يانااااااااااااااااااااس
تاريخ 12- 10 يصادف يوم أول أمس الأحد
والله إني يوم قربت الساعه 12 صباحا (نصف الليل)
كنت أقول هذي آخر ساعات أبوي الله يرحمه بالدنيا
خفت أهلوس وأجزع فسكرت الموضوع وشغلت نفسي بحاجه
بنات أنا عندي فضفضه كثيره بالنسبه لهالموضوع ولكن اللي بالقلب بالقلب
بس أتمنى شغلتين الأولى إنكن تدعن له بالمغفره عسى الله يغفر له ويرحمه وتجيه حسنات من البشر
ويكون شي حلو أقدمه له بعد سنه من مماته وملحوظه أنا ماأخذ اليوم كذكرى ومناحه
أخذه كدعاء وأجر أهديه له
ثانيا شغله كل وحده عندها أب أو أم على قيد الحياه تروح تبوس رسوهم لأنه والله ماراح تعرفين قيمتهم صح إلا إذا ماتوا
بنات كفايه عقوق وهجر
بنات رجااااااااااااااااااااااااااااااااء خلينا نرتقي بأذواقنا ونتعامل مع هلنا بذوق وإحترام قبل لا يفوت الفوت وماينفع الصوت
المجروووووووووووحه وجااااااااااااااااااين