عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله ويركااااته
بعد ماطل الصيف علييناااا
ورااااح الشتاااااااء اللي كتمنا بالبيت
انطلقنا في ارجااااء الرياض منطقتي الحبيبه
لنزور كل ماكنا محرومين منه بسبب شتتتتائنا القاررررص
الذي يحتم علينا الجلوس في منازلنا
ولاكن انا لست سعيده بما زرت في الريااااض<<<<بنااااات تعبت من اللغه العربيه لو يدري عني سيبويه ذبحني
المهم نرجع لموضوعنا
بناااااات انا تعبت من الرياض تدرون ليش؟؟
من قلت الادب في البناااات <<ايه والله قلت ادب ماصااااارت ماقول كل بنااات الريااض كذا
لا والله فيه اللي تنقط احترام وتفرض على الغير احترامها بس فيه البعض الله يهديهم
مااروح مكااان انا وزوجي الا نطلع منه واحنا ماسمعنا بعض ابد
مثلا اليوم رحنا كوفي نتقهوى والله ماعرفت اسولف معه كلمتين على بعضها
من صجة قليلات الادب ضحك وصرااااااااخ وااااااصل اخر الدنيا
ااااااسفين يااهل الشرقيه والغربيه والشماال والجنوب على الصجه
اللي وسلتكم اليوم لاني متاكده انها وصلتكم
ولاهي اول مررررررره
قبل فتره رحنا مطعم وجبات سريعه الله لايوركم الصجه اللي فيه
تقول مطعم ابوها
والا هي ناسيه نفسها تحسبها فالبيت
اللي تنادي بزارينها وتصااااااااارخ
عليهم<<الله يهديك بتريبهم بالمطعم مثلا
وللي تصاارخ على الموظف تبيه يستعجل لها بالطلب<<مو ذنبه انك جوعاااانه
واللي طالعه مع شله من البنااااات وداخل جو بالحش <<شين وقوة عين فوق انك تحشين بخلق الله معليه صووووتك من زين السااااالفه
بناااااااااااااااااااااااااات انا مليت من هالوضع
الله يهديهم صوووت المرأه عووووره
حرااااام صوتك عوره مااارح يصير شي اذا قصرتي صوتك
بعدين احترمي الناس اللي حولك هم جااايين يمبسطون مو ينزعجون من صوتك
رجاااااء احتررااام الاماكن العاااااامه
ولانسى قوله تعالى ((واقصد في مشيك واغضض من صوتك إن انكر الاصوات لصوت الحمير))
وارجع اكر مو كل اهل الرياض كذا فيه شريحه منهم الله يهديهم يااااارب
والسلام ختاام
