عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم أخواتي الفراشات ..
أنا عضوة جديدة معاكم وعندي سؤال حيرني كثير..
أنا مخطوبة الله يتمم لي وللبنوتات على خير ..
وأخت خطيبي كلمتني مرة وطلبت تتواصل معي عبر الهاتف أو الجوال ..
قمت أعطيتها الجوال بحكم اني اخجل لو تتصل علي وأهلي حولي ,,:044:
وصارت بعدها ترسل لي رسائل وانحرجت مرة ..
احترت أرد عليها أو أبين نفسي ثقيلة ومو طايحة على العرس..
وسألت أختي قالت عادي ردي عليها ما فيها شي..
وصرت أرد عليها برسائل دعوات ورسائل رسمية قدر الإمكان ..
ومرة وصلتني رسالة حب حسيت انها مو هي اللي أرسلتها ..
لأن الكلام كان رومانسي زيادة وهي ما شافتني للآن ولا بيننا معرفة سابقة بحكم اننا في مدينة غير مدينتهم .. وتكرر هذا النوع من الرسائل في الإجازة مرتين غير الرسائل العادية..
انحرجت مرة ومسحت الرسالة وما رديت بحجة انشغالي بالإمتحانات ..
والآن إجازة وما عندي عذر فصرت أرد على رسائلها برسائل عادية أتعب وانا أختارها لأني صرت أشك ان خطيبي يقرأ الرسائل أو يرسل من جوال أخته وأخاف يكون في هذا مخالفة شرعية كوننا ما ملكنا للآن ..
شوروا علي يا بنات تكفون ..
كيف أتصرف مع هذي الرسائل ؟؟؟؟؟
أرد عليها ولا أطنش ؟؟
أنا حاسة وشبه متأكدة انه يقرأ رسائلي ويطلب منها تراسلني عشان يشوف ردودي ..
هل عادي لو رديت عليها برسالة ود ومحبة زي اللي بين الصديقات ولا حركة غبية لو سويتها ..
أنا كل خوفي لو أحد خارج عائلتهم قرأ رسايلي وفسرها غلط أو انه يكون شي غلط في المجتمع والناس ما تصدق تمسك الزلة على أحد ولا أبغى أفتح على نفسي باب ..
بانتظار ردودكم والله يتمم لكل عروسة على خير ويرزق كل بنوتة بالزوج الصالح يارب
عن
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …