عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ندخل في الموضوع على طووووووول
زوجي قال لي سالفة صارت في العمل وهروج قالوها زملائه .. شوفوا اش قالوا …
عندهم زميل طلق وتزوج وحدة ثانية واحد من الزملاء يسأله بنيت عمارة؟ قال له من وين وانا كلي ديون
من الزواج الاولاني و ديون عشان الزواج الثاني . الا كلهم يسالوه ليه ما تزوجت معلمة ؟ قال لا الثانية كانت معلمة وتركت عشان حامل .
المهم قالوا له المفروض تتزوج الثانية معلمة في حكومي او موظفة عشان تاخذ قرض باسمها
يصير تبني عمارة و تستثمر .
قال يااخوان مايصير اخذ راتب الحرمة وانا وين دوري اصرف عليها .
قالوا له محد يفكر بطريقتك هذي هالايام المفروض تتزوج معلمة عشان القرض .
قال لهم واذا ما وافقت اش اسوي اغصبها؟
قالوا له هددها بالطلاق يمكن تخاف واذا عندت طلقها وغيرها كثييييييير ودهم الزواج و السترة
وياما كثر الموظفات الي ما تزوجوا (( لا حول و لا قوة الا بالله ))
خلاصة هروجهم انهم كلهم اجمعوا على فكرة استغل الموظفة و الوي ذراعها واكسره
واذا ما رضت طلقها حتى لو عندك عيال .
عاد انا دخلت في نقاش مع زوجي ليش الرجال يفكروا بهالطريقة يستغلوا حاجة الوحدة المحتاجة
لبيت واستقرار و عيال يستغلوها لانها موظفة والله انفجعت من طريقة تفكير الرجال لانه قال لي ترى الاغلب صاير كدة قلت طيب لو انها بتصرف على البيت
بس تحسس زوجها بانها المتفضلة عليه و تهينه في الرايحة و الجاية قال لي في البداية راح يطنش
واذا زاد حالها راح يديها على راسها 😈
يعني ماشاالله الرجال يخترع مشاكل 😛
في النهاية حرام عليهم والله الي يسوونه يعني الوحدة حرام لو انها مو موظفة تقعد ماتتزوج يتركوها
ويدوروا على موظفة .
واذا كانت موظفة يستغلوها و يقرفوها في حياتها واذا قاومت تتطلق وتصير مطلقة !!
يعني الوحدة مظلومة في كل الحالات استغفر الله ياربي حسبي الله على رجال زي كدة ..
واذا بتقولوا لي مو كل الرجال كدة اقول لكم صح بس هذول نسبة و النسبة دي في تزايد في المجتمع
نشوف ارائكم عشان نستفيد ..
