محتاره مرررررره ….شورو علي

الفرشات الغاليات حابه اخذ رايكم جتني وضيفة معلمه في مدرسه اهليه قريبه من بيتي

وراتبها 1500 وأنا حامل وولادتي راح تكون في الترم الثاني وإذا ولدت لازم اترك الوضيفه لان البيبي صعب اتركه عند شغاله وما فيه احد يمسكه لي واصلا الراتب مو كفو علشان اضحي بشغلات كثيره ( يعني وظيفتي من اجل اشغال وقت فراغي وحب العمل والراتب شي فرعي وكمان حلو مو سيء

الخايفه منه إذا توظفت راح تروح علي إعانة العاطلين وهي على حد علمي الفين ريال لمدة سنه

يعني لو احسبها إعانة العاطلين افضل من الراتب واصلا المدرسه راح اقعد فيها ترم بس

سؤالي وش افضل الوظيفه والا استنى الاعانه ؟

وشي ثاني سمعت أن الاعانه مو كل شخص يقدر يحصل عليها لازم يكون مقدم على وظائف
أنا قدمت على جداره وجميع المدارس الاهليه بس ما قدمت على الديوان
وكمان سمعت انهم يدورون لك عن وظيفه إذا ما لقوا يعطون الاعانه واخر شي سمعته أن المتوسط الاعانه 650 والثنوي 750 والجامعي 1000

بليز بنات انتظركم ولكم دعوه صادقه إن شاء الله في الثلث الاخير من الليل