عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يافراشات ؟؟
انا ما معاي مشكله بس حبيت افضفض الي في قلبي وبــــس
الله يسلمكن انا صار لي بحكي عند واحد يمكن من 7
سنوااات او 8 سنواات
بقولكم شو الي خلاني اكتب لكم قصتي وهالفضفضه بس
بالبدايه بقولكم قصتي مع هالشاب انا اصلي سعودي بس
عشت بالامارات عشان جيه تعلمت لهجتهم وتعرفون
بالامارات يعني المرأه لها حرية في كل شي ف نحن تربينا
على عادات وتقاليد الامارات أكثر وخذنا لهجتهم وتعودنا
على حياتنا بالامارات حتى يوم نروح السعوديه زياره نقعد
بالصيف شهر ونقول لابويه رجعنا الامارات المهم أنا كان
تقريبا عمري 13 سنه او 12 بديت احكي مع الولد بالمسن
المهم هالولد اصغر عني ب 3سنوات وانا اعتبرته مثل
اخوي واهو معتبرني مثل اخته ووايد جريبين من بعض
لدرجه انه اقوله اشيااء ومشاكلي ما اقولها ل خواتي
اوقات يحل لي واجباتي وانا احل له واجباات المهم نعامل
بعض شرات اي اخوان اثنين ف الواقع مب بس مسن
وعقب انا دخلت الجامعه وبالصدفه طلعت بنت عمه معاي
بالكلاس انا قلت له انا عندي بنت من منطقتكم شرات
اسم يدك وجيه قال هاي بنت عمي وعقب عرفت خواته
وبنات خاله يعني تقريبا صرنا انا خواته وبنات خاله وبنات
عمه قروب كله مع بعض وانا شفت صوره وصور اخوانه
وعيال اخوانه وعيال خواته يعني صج صج كأنه اخوان واهو
قالي عن حبيبته الي يحبها وانا عرفتها بالجامعه وصارت
من قروبنا بس البنات ما يعرفن اني ارمسه وعندي
صوووووره اناا لدرجه انه صج اعتربته اخوي ما خفت من
شي وحسيت انه الي اسويه مب غلط ف قلت ل خواتي
واخواني وهم عرفوا عن علاقتي فيه وانها ما تعددت
الحدود وعلاقتي فيه شرات اي اخت واخو ف هالدنيا وكل
واحد فينا تهمه مصلحة الثاني وحتى اختي من بين
فتره وفتره اترمسه واخوي بعد رمسه يمكن 3 مرات عندي
فووولدر كله صوووووووره يمكن اكثر من 400 صووره له
عندي وع كل هالسنين الي رمسته فيها عمره ما قالي
كيف شكلج ولا ابا اشوف صورتج ولا ابا رقمج شرات
هالشباب بالعكس اهو يهزبني اذا عرف اني سويت غلط
واخته اوقات تسولف وتقول عني وتقول شو اسوي وجيه
وجيه ف اهو يوم يعرف يهزبني لان الي اسويه غلط وانه
لازم احترم اساتذتي ما ارد عليهم وجيه يعني دايما
يهزبني اذا غلط المهم سألني سؤال خلاني محتاره
ف أمري أنا انخطبت وبعدي افكر ف امر خطوبتي واهو يوم
عرف سئلني هالسؤال قال اذا الله كتب لج نصيب
وعرستي بتقولين ل ريلج عن علاقتج فيني انا ع بالي
هالشي عادي انه لو عرست ريلي بتقبل الامر ف قلت له
اكيد بقوله ومستحيل يخلني ابتعد عنك انت اخوي
وما فيه بنت تتمنى تبتعد عن اخوها قالي انه لو قعد
ارمسه ها يعتبر خياانه ل زوجي وانه اي زوج ف هالكون
مستحيل يوافق انه حرمته تحكي مع رجل غريب وقالي
استخير ربي ف هالرجل الي تقدم لي واذا ارتحت له اوافق
ولا افكر فيه وانه عمري ما افكر اصارح زوجي اني كنت
ارمسه ولا رمسته لان الرجل ما يتقبل هالشي وانه
هالشي بعد بدمر حياتي يمكن تفكير زوجي مب مثل
تفكير اخواني ولا تفكيري يمكن تفكيره مب منفتح جيه
شراتنا وقال انه من اعلن موافقتي ع الريال الي خطبني
اذا كنت موافقه اهو بقطع علاقته فيني ولا برمسني
بالمسن ولا شي لان هالشي ما يصير وانه
انا واهو ان شاء الله ربنا بجمعنا بالجنه
ف ما اعرف انا ما ودي انسى هالاخو الي عمري
ما توقعت حد يبعدنا ولا ودي ابتعد عنه
ووبعد ودي اشوف فرحة امايه وابويه فيني ودي ازوج
شرات اي بنت وافرح بعرسي الحين انا محتاره اختار الزووج
ولا اختار اخوي مع انه قالي شوفي نصيبج وزوجي لان اهو
اكيد بي يوم وبعرس وقال انه بعزمني ع عرسه انا اكيد
بحظر زفاف اخوي بس صج هالاخو عمري ماا بحصل شراااته ➡
