عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عندي موضوع متعبني ومو عارفة ايش اعمل فيه
ولد عمي جاء وخطبني و صليت صلاة الاستخارة بس مابحس بشي
ماني حاسه بضيق ولا راحه
مترددة مو عارفه اوافق ولا ارفض
ساعات اقول انا لسا صغيرة دوبي 19 والحياة قودمي و مااحس انوا دا الانسان اللي اتمناه
ممكن يكون طيب وحا يخاف عليا ويهتم بيا بس مابحس انوا دا الانسان اللي في بالي
و غير كدا انوا من الاقارب وانا نسبة كبيرة مخليتني ارفضوا لانوا من الاقارب
وانا مااحب زواجات الاقارب وزي مايقولوا الاقارب عقارب
وساعات افكر انوا ولد عمي واكيد حايخاف عليا و يحطني في عيونوا وناس نعرفهم احسن من ناس مانعرفهم والولد مافيلو شئ عشين يترفض
مرره تعبت مااعرف ايش اسوي اخاف اوفق اندم والشي اللي مخليني شويا متردده اني ارفض هو ولد عمي وعلاقتنا باعمي واهلوا كويسا فااخاف ارفضوهم تصير زي الحساسية وانا مااابغا الشئ دا مرره
وصليت صلاة استخارة بس مره ما بحس بشيئ و اهلي شايفينوا كويس بس من لانو من الاقارب رافضينوا
وانا مااعرف ايش اعمل
كتبت في المنتدى لعلا و عسى الاقي كلام يريحني ويخليني اتخد القرار و اخلص
مع العلم انوا الموضوع صاروا سنة و والدي حاب الولد جدا وما يبغا يرفضوا
وانا معطيه الجواب للوالد بس هو مو قادر يرفضوا شايفوا انوا ولد كويس
