عالم البنات النسائي كل ما يخص المرأة العربية من ازياء وجمال والحياة الزوجية والمطبخ
إزيكم يا بنات النيل العزيزات ؟ و يا كل عضوات الفراشة ؟ يا رب ديما في أحسن صحة و حال يا رب ….
بدون مقدمات أشكر لكم جدا مشاركتكم البناءه معنا سواء في قسم السياحة أو غيره من الإقسام
…..و لكن …………
القسم لازال بحاجة لمزيد من جهودكم و مواضيعكم …..
أنا عارفة إن القسم يعتبر لسة جديد و الحمد لله بيغطي أماكن كتيييرة في مصرنا الحبيبه … و بيرد على استفسارات أكتر …
بس عايزين نشاط فيه أكتر من كده ده غير إن لسة في أماكن كتييير في مصر مش متغطية في القسم …
ان مكنشي كل المعلومات عن مصر تكون موجوده في قسم السياحة حتكون موجوده فين ؟؟؟؟
كنت من فترة بفكر في إضافة موضوعات جديدة و بحاول و الحمد لله …. بي إيد لوحدها متسقفشي زي ما بيقولوا …. و لا اية ؟
عشان كده بطلب منكم كأخت إننا نتعاون كلنا في إضافة مواضيع جديدة لقسم السياحة المصري …
لإنه …….واجهة بلدنا الحبيبة مصر في عيون أخواتنا العربيات اللي بيدخلوا باحثات عن أي معلومة تخص بلدنا …
و بإذن الله تعالى حتجدوا من المشرفات كل تشجيع لكل فكرة جديدة بتقدموها …
و كبداية …. ممكن نبتدي بالأماكن اللي لسة مغطيناهاش في قسمنا …
مثلا …. مفيش لسة مواضيع بتغطي أماكن مهمة جدا في مصر … زي
الإسماعيلية .
دمياط و مصيف رأس البر الشهير .
الجونة اللي أصبحت شاطئ عالمي الآن هي و الغردقة .
سفاجا .
الساحل الشمالي ( مارينا , بورتو مارينا , بورت غالب و مراقيا )
العين السخنة
رأس سدر
ريف مصر الرااااااااائع
الأماكن القديمة في مصر كحي الأزهر و غيره
الرحلات … كرحلة القناطر الخيرية مثلا …( و أظن محدش فينا مرحشي القناطر )
خبراتنا كلنا مع أشهر المحلات في مصر .
عودة مع المسابقات و تكون المرة دي الرحلة مش في الأماكن إنما في الزمن … فنعود لزمن توجد فيه شخصية مصرية شهيرة( فرعونية , عربية أو معاصرة ) و نتعرف عليها و على أشهر ما قدمت لبلدنا ….
أي فكرة أخرى قد تكون مفيده للقسم و لم تطرأ لنا على بال يا ريت تنبهنا الفراشة ليها ..
اللي تعجبها أي فكرة تراسلني فورا على الخاص و تختار الموضوع اللي تحب تكتب فيه و بإذن الله حنقدملها كل مساعده ممكنة عشان موضوعها يخرج في أحسن صورة …
طبيعي إن الصور ممكن تكون جاية من البحث في صور جوجل … شخصيا كتير بعمل كده .. بس التعليق و الروح و التقرير نفسه لازم يعبر عن فراشتنا الحبيبة إلا لو حتنقل كلام أحد الشخصيات الزائرة للمكان طبعا …
و أي مساعده في البحث عن الصور أو المعلومات أو حتى التنسيق و طريقة تقديم الموضوع حنكون تحت أمر الفراشات ….
و طبعا … التقييم للمواضيع الجميلة و المشاركة في المسابقة الإسبوعية للقسم و تثبيت المواضيع الفائزة شئ أساسي …… متقلقوش 
أما أخواتنا العربيات … اللي زاروا مصر …. يا ريت ميبخلوش عنا بأي معلومات أو صور أو تقارير …و حتى لو فيه بعض النقد فنحن نتقبل ذلك بكل الروح الرياضية 😐
و في النهاية ….
أشكركم من كل قلبي مقدما ….. و نتمنى لقسمنا و لمنتدانا .. كل التقدم بإذن الله تعالى …
في رعاية الله و أمنه …
