عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اخواتي انا احتاج دعواتكم و مالي بعد الله غيركم
انا من اول الشهر السابع و الدكتورة بتقولي حجم الجنين صغير
قلنا يمكن وراثي و ماخدة طبيعة ابوها
و قالتلي انه حجمها اصغر من عمرها باسبوعين
اللي صار اني امس رحتلها
و قالتلي البنت وزنها اقل من عمرها باكثر من اسبوعين
ولازم تروحي تعملي سونار عشان نتاكد من خلوها من التشوهات
المفاجاة اني اليوم رحت عند اخصائية اشعة و قالتلي موية الجنين تكاد تكون معدووووومة
و انه احتمال عندها عيب خلقي بكليتيها و انه يمكن يكون تكيس
انا انهرت 
و ما اتحملت الخبر بس الحمدلله على كل حال
طبعا قالتلي عمرها 27 اسبوع و 5 ايام يعني اقل من حسابي
و نصحتني اروح لدكتور حسن نصرت عشان هو متخصص في دي الحالات
و اني لازم اعمل سونار رباعي
المهم رحت لعيادة دكتور حسن و لقيت دوامه منتهي
فرحت مستشفى عرفان عند الدكتورة انيسة
قالتلي نفس الكلام الموية مررررة قليلة و عمرها 25 اسبوع:P
و انه لازم اعمل رباعي عشان نتطمن على الجنين
طبعا سمعتني نبض الجنين
و قعدت اخد و اعطي معاها و مع اللي قبلها
انه كيف الموية قليلة او معدومة و ما شاء الله البنت حجمها كويس
و بتتحرك و ما شاء الله قلبها بينبض؟؟؟؟
طبعا كان جوابهم لف و دوران و ما اعطوني الجواب الشافي
الان دكتور حسن اخدت موعد منه يوم السبت المغرب ان شاء الله
و محتااجة دعوااااااتكم انه بنتي تطلع سليمة معافاة
و ما يكون العيب منها يكون مني يعني الكيس هو اللي بيسرب مو منها
و بالله اذا وحدة فيكم انحطت موقف زي كدا يا ليت تطمني
و هل اذا ولدت على الاسبوع ال27 او 28 بحسابهم هل ممكن بنتي تعيش او لا ؟؟؟؟
الله يخليكم ريحولي بالي و طمنوني و ادعولي بظهر الغيب لاني بجد محتاجة دعواتكم
