عالم البنات النسائي كل ما يخص المرأة العربية من ازياء وجمال والحياة الزوجية والمطبخ
خواتي السلام عليكم ورحمه الله وبركاته
انا خواتي بدخل شهري الثاني يوم الاحدالقادم ان شاء الله
والله يا خواتي شقولكم انا نفسيتي اليوم تعبت حدها ما ا قدر اكل تلوع جبدي واول ما قعدت من النوم حاولت اصلى الظهر صليت بس بالغصب وقلبي يرجف وراسي يلف فيني واتنفس كاني راكضه سرعه المهم انا كنت بطبخ ما قدرت دقيت على امي اشكيلها ولا تقولي ما بيدي شي امهم انا سكرت التلفون وبجيت بجيت بجيت وايد قمت انوح المهم رحت حق وجي نايم في الصاله على قولتكم المجلس ولا يعصب على ويقولي اذيتيني المهم رحت غرفتي ومت من البجي ولا يدخل على قالي شفيج شفيج وانا ابجي جان يخليني ويروح ولا سال فيني المهم بعدين ياني ولا يقولي شفيج ولا انا بقوم بروح عنده ولا يعطيني ظهره
المهم انا ضاق خلقي ومسحت دموعي وقلت خل اطبخ مع اني ما اقدر ولا احب اشم ريحه الحمس والطباخ
المهم طبخت ولا قمت ارجف ارجف من التعب ومن الريحه وقمت اصارخ وطحت على الارض ولا زوجي قالي خلاص ماني ناكل
بعدين عاد انا رحت نمت لي المغرب وطبعا ما اكلت شي حاولت اكل ما قدرت من التعب
زوجي بعدين شوي حس فيني وقالي كلها شهر وتصيرين زينه
الحين رحت عند امي وبجيت شكثر بعد امي تقولي شفيج
يا جماعه نفسيتي تعبت
الحمل متعبني وايد
ادعولي الله يثبت حملي ويعدي ايامي على خير انا احس علاقتي بزوجي صارت كلش مو زينه مو نفس الاول
وهل في وحده صار فيها نفسي وشلون تتصرف مع زوجها ؟؟
الله يخليكم ردوو على
