متعقده من شكلي…….

السلام عليكم
اولا حابه اقولكم انو هادي اول مشاركه ليا مع اني متابعه بصمت من فتره
ولما حبيت افضفض كنتو اول ناس تجو على بالي
في موضوع مرررره شاغل بالي من فتره طويله ومعقدني
وماكنت حابه احكي لاحد عشان لا ينظر ليا نظره شفقه او انو حرام مسكينه
نفسي احد يسمعني ويحس بيا
انا داخلت 19سنه من فتره قريبه
وما اعرف ليه حاسه اني مره كبرت واني خلاص عنست
مع اني عارفه انو غباء واني لسه صغيره بس ما ادري ليش هادا الاحساس يجيني
وتاني حاجه والاهم هو انو ثقتي في شكلي صفررررررر
انا الحمدلله بحاول اكون كويسه في ديني
وشخصيتي مرررررره حلوه مش بشهادتي بشهادة الناس اللي حوليا صاحباتي وكل قرايبي اللي لما يتعرفو عليا عنجد يحبوني
بس شكلي مشكله انو مش وحشه عالاقل مش فنظري بس جمالي متواضع واوقات احس اني حلوه
وناس كتير تقولي اني حلوه بس انا اقول انها مجامله لا اكثر
من يوم ماكنت في المدرسه وكانت تنكتبلي جمله احنا مايهمنا شكلك الخارجي المهم شخصيتك الحلوه
وكانو البنات يقولولي هيا فوجهي اني مو حلوه
يمكن عشان كنت تخينه بس انا نحفت واشوف اني صرت احلى بكتير بس برضو الموضوع قالب معايا بعقده
معلش والله ماتستتفهوني بس اللي مايعرف احساسي ماحيحس قد ايش انا بتالم
لدرجه اني بمكن اتخطبت اكتر من 5 مرات وكل مايجو اهلي يسالوني اقول لا واتحجج بالدراسه
مررررررررررره خايفه اوافق وتحصل شوفه وما اعجبو ومايرجع
ويصير موقفي مره محرج ساعتها عنجد حنهار وحتنهار ثقتي بنفسي اكتر واكتر
عنجد كل ما احاول اقول يلا خلاص اوافق واعمل شوفه وزي ماربنا كاتب يحصل مرررره اخاف
ما اقدر اتخيل انو واحد يرفني عشان شكلي ماعجبو والله حتعقد
وارجع اقول انا مو ملكه جمال بس حلوه برضو اكيد الشباب مو لهادي الدرجه سطحيين وبعدين اتفاجاء لما اسمع انو في شباب بتطلب وحده بيضه ورشيقه وعيون ملونه وباربي من الاخر ارجع اتعقد
مره تانيه عنجد انا مش تافهه بس هادي احساسي وانتو الوحيدين اللي قدرت اخرجلهم اللي في قلبي
اللي عندها رد يريحني لا تبخل عليا
وقولولي اذا الشباب تافيهين لهادي الدرجه ولا في اللي عادي عندهم تكون زوجتهم جمالها عادي
وادعولي الله يخليكم انو ربنا يرلي الزوج الالح اللي يسعدني واسعدو عاجل غير اجل
😎 😛 😀 😆 idea::P