عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام علييكم يابنات
ودي اقوولكم شيء مرره مضايقني
يمكن الكثير يقول الحمدلله والشكر ماله داعي يضايقك
لكن بجد انا مرره متضايقه بقووه بعد حتى احيانا ابكي والله
انا ملكت من 5 شهور تقريبا
وماحسيت ابد باي فرحه
عندي بنت عمي ملكت قبلي بشهر وسووولها حفله كبيره وجت لها شبكه
ودبله ولبست فستان وتمكيجت وكل شيء وصورت معه يعني حست بالفرحه
وحست انها ملكت والله يهنيها يارب
بعدين انا انخطبت وجت ملكتي تخيلوو دقوو قالو بنجي نملك ونمشي بس
وعزمت بنات خالتي معي بس عشان يقال استانس
والله لبست تنوره وبلووزه واستشورت شعري انا يعني شيء عادي عشان البنات بيجووني وجلسنا ونبارك وجلسه عاديه مرره حتى ماقدرنا نفرح ابد
عشان اصواتنا والرجال
استنيت يجيب شبكه ولاهديه ولادبله لو بعشرين ريال وربي راضيه
بس احس اني زي كل البنات الي ملكووو والله ولاجاب شي ابد
بصمت وتعشو وطلعوو
توقعت يبي يشوفني يبي ياخذ رقمي من اخوووي والله ولاشيء
له خمس شهوور للحين مافكر يسال عني او ياخذ رقمي او شيء
بعدها باسبووعين ملكت بنت خالتي دخل زوجها وشافها وصوورت معه واخذ رقمهاوسوو حفله ورقص ولبست فستان وكل شيء والحين يحاكيها ومبسووطين والله يهنيهم يارب ولايغير عليهم
اختي اكبر مني بخمس سنين جتها شبكه ونفس الطريقه وخالاتي وعماتي
الكل كذا استانس وحس انه متزووج
بتقولون يمكن هم طبعهم غير بقوولكم من نفس العائله بس الاهل يعرفوون بعض من زمان وانا ماعمري شفتتهم بس شافووني بزواج
انا بقوولكم الي مضايقني
اولا ان كل الي حوولي جالسين ويحكوون عن مكالمات زوجهم وكذا
وكل وحده دبلتها ولاشبكتها اواي هديه من زوجها لابستها ومستانسه
الا انا مااحس ابد اني زيهم..
ثانيا ماراح اشووفه او اكلمه الا بيوم الزواج
يعني تخيلو الرعب بس واحد حت صورته ماقد شفتها ولااعرف شكلها بيدخل علي اول يووم
حتى اهله مااعرفهم وبرووح اسكن معه بمدينه ثانيه غير الرياض
كل الناس هناك مااعرفهم لو هو حاكاني وعودني عليه يمكن
لكن والله مدري تعبت وطفشت ولاادري شسالفه
على اعصابي وبس ماادري متى زواجي ولاادري هو يبيني ولالا
كل الي ملكوقبلي وبعدي تحددت زواجاتهم الا انا
وربي مااتخيل شكلي اكشخ والبس الفستان وبالنهايه جالسه بغرفه ويدخلوون علي واحدبحياتي ماشفته حت زفه ماراح انزف واستنانس زي خلق الله
ختى اهلي مستغربين بس صعبه يقولون شيء له بكيفه
والله ابي افرح ابي استانس زي البنات كل عائلتنا كذا الا انا :059::059:
ادري البعض بيقووول سبب تافه
لكن اتمنى تحطون نفسكم مكاني الكل يبي يحس انه عرووس..:059:
